На 17 г. одлучил да го продаде својот бубрег за да купи телефон „ајфон 4“ и „ајпад 2“ (фото)

Koга имал 17 години, денес 25-годишниот Ксао Ванг одлучил да го продаде својот бубрег за да купи телефон „ајфон 4“ и „ајпад 2“, бидејќи не можел да си ги овозможи. По операцијата, лекарите му рекле дека ќе води нормален живот со само еден бубрег, но осум години подоцна тој е неподвижен и секој ден оди на дијализа.

Пред осум години, „ајфон 4“ бил статусен симбол во средното училиште на Ксао. Со оглед на тоа дека потекнува од сиромашно семејство кое не можело да му го купи телефонот, одлучил да го продаде својот бубрег.

Ванг стапил во контакт со луѓето кои се специјализирани за продажба на органи на црниот пазар. Тие договориле цена од 22.000 јени или 2.800 евра, што му биле повеќе од доволно за посакуваните телефон и таблет од „Епл“. Посредниците за услугата добиле 8.700 евра и дополнителни 10.000 долари за самиот орган.

Лекарот кој го запознал пред операција му потврдил дека сè ќе биде во ред. Процедурата била изведена во илегална болница, а иако тогаш се сметала за успешна, набрзо се појавиле компликации. Ординацијата не била дезинфицирана, што довело до инфекции на раната.

Семејството на Ванг не знаело за неговата операција и дознале дури тогаш кога веќе не можел да ги сокрива здравствените проблеми.

Бидејќи не се осудувал да им каже што направил, инфекцијата се проширила и на неговиот здрав бубрег, а до моментот кога семејството го одвела во болница штетата веќе била толку сериозна што единствениот начин за да остане жив е трајна дијализа.

Ксао Ванг оттогаш поголемиот дел од животот го поминал во болница и сосема зависи од апаратите кои го одржуваат во живот, но истовремено и значително го намалуваат неговиот животен век.

Полицијата ги пронајде посредниците и лекарите, на кои судот им доделил по три години затвор. По покренатата тужба, родителите на Ксао добиле компензација од околу 300.000 eвра, но поголемиот дел од парите ги потрошиле за лекови и третмани.

Зошто ШВАЈЦАРСКОТО СИРЕЊЕ има дупки?

Постои научно објаснување зошто во швајцарското сирење има дупки, но и зошто во поново време тие дупки се сè помали.

Се работи за честици сено кои останувале во млекото дури и при термичката обработка. Кога сирењето зрее, во тој процес честичката сено околу себе создава меур од воздух, што резултира со познатите дупки.

Во последните години некои производители додаваат вештачки вакви честички, за да се осигураат дека во сирењето ќе има дупки. Причина за тоа е што модерниот начин на молзење на кравите и складирање на млекото е автоматизиран и под строги контроли, па затоа тешко се случува во млекото да остане честичка од сено.

ФОТО: Сораја ја вжешти атмосферата во претесното бикини

Една од најпопуларните Балкански старлети Сораја Вучелиќ очигледно го живее животот  на „висока нога“. Таа на своите фанови на социјалните мрежи постојано им споделува фотографии на кои се гледа како ужива на егзотични дестинации.

Старлетата летово се забавува и проведува со своите исто така секси пријателки во Марбеља, Шпанија.

Зошто ви е тешко да го преболите раскинувањето?

Зошто ви е тешко да продолжите понатаму со животот после раскинувањето на врската, иако сте свесни дека тоа било најдоброто можно решение и исход?

Раскинувањето не е лесен чекор, без разлика дали одлуката била взаемна, ваша или на другата страна. Сепак сте се разделиле од личност со која некогаш сте биле среќни, во која сте биле вљубени.

Има неколку причини зошто ви е тешко да го преболите и надминете раскинувањето:

Осаменост

Една од најчестите причини зошто на луѓето им е тешко да продолжат понатаму по раскинувањето е осаменоста за која стануваат свесни во моментот кога веќе го немаат партнерот покрај себе.

Осаменоста може да нѐ натера да почнеме да копнееме по личност која не била добра за нас.

Решение за ваквите моменти на криза е префрлање на фокусот. Најдобро е фокусот да го префрлите на себе, на нешто што ви причинува среќа, задоволство и радост. Искористете го ова слободно време за нешто корисно и продуктивно и не заборавајте – подобро е да сте сами отколку со некој кој не е добар за вас.

Изгубена самодоверба

Ако сте биле во врска со личност која не била добра за вас или не ви обрнувала внимание, можно е вие да сте почнале да ја губите самодовербата уште додека сте биле во таа нефункицонална врска.

Но, не е сѐ изгубено. Тоа била вашата реакција на таа личност и таа ситуација. Сега сте сами и целото внимание е насочено на вас и вашата добросостојба.

Опкружете се со луѓе кои ве сакаат и во го посакуваат само најдоброто, луѓе кои ве ценат и ве почитуваат, кои веруваат во вас и вашите способности.

Полека, полека, ќе избледи сеќавањето на тоа дека таа личност правела да се чувствувате лошо, а вие ќе најдете начин, механизам и метод да се сакате себе си и да ја одржувате таа љубов и почит кон себе.

Најчитани

Твитови