Шест промени кои можат да бидат знак дека партнерот ве изневерува

Постојат знаци кои укажуваат дека партнерот ве изневерува, некои се очигледни, а некои не.

Овие неколку промени во врската можат да укажат сигнализација дека партнерот можеби ве изневерува.

1. Го крие телефонот

Ретко го остава мобилниот на маса, постојано му е во рацете и често го погледнува или се јавува на повици кои доаѓаат во непристојно време во денот или ноќта. Знак кој не треба да го игнорирате.

2. Ве обвинува

Вашиот партнер често ве обвинува за љубомора и зборува дека нешто криете од него? Парадоксално, но ова е многу чест образец на однесување на прељубник бидејќи се обидуваат да ја префрлат вината на партнерот, поради чувство на вина за тоа што го прават.

3. Тишина и замисленост

Отсекогаш добро сте функционирале и сте имале бројни теми на разговор, а сега е тоа изменето.

4. Се средува и дотерува

Вашиот партнер никогаш не сакал да се средува, но сега одеднаш тоа е променето? Ако минува многу време пред огледалото и подолго време бира што ќе облече, тоа може да биде лош знак.

5. Се задржува на работа

Ако вашиот партнер почнал подолго да останува на работа, често оди на деловни патувања или троши повеќе пари на излегување, време да обрнете внимание каде, со кого и како вашиот партнер го минува времето.

6. Траги на облеката

Ова е еден од најочигледните знаци, но жените често го игнорираат и сами си даваат бројни оправдувања и образложенија. Сепак, обрнете внимание на тоа дали вашиoт партнер мириса поинаку или има необични траги по телото, пишува Daily Mail.

Невремето искрши автомобили во Крива Паланка (ВИДЕО)

Невремето кое вчера беснееше во Крива Паланка попладнето, направи голема штета.

Пукнати ветробрански стакла, оштетени објекти се само дел последиците, кои се гледаат во видеото од невремето постирано на сајтот на Курир.

Невремето се случи додека цела Македонија беше во жолта фаза.

Убиство го потресе Скопјe: Семејна драма заврши трагично

Скопјанка била убиена вчера вечер во скопската населба Шуто Оризари, објави 24 Инфо.

Убиството се случило околу 22 часот и 30 минути кога 31-годишната жена настрадала сакајќи да спречи тепачка меѓу двајца братучеди. Тие почнале расправија додека седеле и пиеле во дворот на едниот од нив, па едниот се вратил со нож, а сопругата на едниот од братучедите се обидела да ги смири и раздвои., но во хаосто таа била прободена.
Од МВР го потврдија убиството, а детали денеска.

За една недела 70 нови случаи на морбили

Министерството за здравство информира дека во текот на изминатава недела се регистрирани 70 нови случаи на мали сипаници што е за 17 случаи помалку во однос на претходната недела.

На Клиниката за инфективни болести се лекуваат вкупно 14 пациенти, од кои 12 возрасни и две деца. На одделот за интензивна нега продолжува лекувањето на 16-годишната пациентка со церебрална парализа и ЕPI по морбили и масивна пневмонија.

Кумулативно од почетокот на епидемијата во декември 2018, досега, во нашата држава се регистрирани 1.891 случај на мали сипаници со инциденца од 91,4 на 100.000 жители.

Вкупниот број на вакцинирани лица на возраст до 14 години со МРП вакцина од почетокот на епидемијата, пак, изнесува 29.857. Од нив, 15.250 деца се вакцинирани на територија на градот Скопје, додека пак, во останатиот дел од државата вакцинирани се 14.607 деца.

„Родители ја препознаа важноста за навремено вакцинирање на децата. Не постои друга поефективна медицинска технологија што го заштитила и го унапредила човековото здравје како вакцинацијата. Таа е единствената мерка за заштита од мали сипаници“, велат од МЗ.

Во извештајот на Европската Комисија се вели дека Министерството за здравство презеде чекори за контрола на ситуацијата со епидемијата, преку директна вакцинација во училиштата и детските градинки и со започнување на голема кампања за вакцинација.

„Само со стапка на вакцинација од над 95 отсто од населението, ќе обезбедиме колективен имунитет и ќе биде оневозможено ширење на вирусот меѓу популацијата. Сите деца што се невакцинирани, за да се заштитат од заболувањето, треба веднаш да се вакцинираат“ велат од Министерството.

Најчитани

Твитови