Подземен град во Кападокија стар 5.000 години – дел од туристичката понуда

Подземниот град Аванос, за кој се претпоставува дека е стар 5.000 години, во иднина би можел да стане една од најпопуларните туристички дестинации во Невшехир, Турција.

Влезот во подземниот град беше затворен пред 25 години со одлука на локалните власти поради стравување дека децата кои доаѓаат тука да си играат, може да исчезнат. Неодамна овој простор повторно е отворен.

Во делот на подземниот град откриен досега, пронајдени се простории за престој на луѓе, тунели… Исто така, пронајдени се и статуи во форма на човек.

Подземниот град е оддалечен околу 80 километри од подземните градови Деринкују и Кајмакли.

Градоначалникот на општина Чалиш, Ќазим Јилмаз, за Анадолија изјави дека според описите на оние кои доаѓале тука пред да биде затворен пред 25 години, станува збор за масивен простор покриен со вода.

Јилмаз вели дека општинските власти немаат доволно средства за чистење на овој простор и дека ќе се обратат кон повисоките органи за помош.

– Нашите предци го откриле ова место. Може да се видат различни простории, мали делови, кои, кога ќе ги погледнеме, изгледаат како простории во кои се живеело. Археолозите кои работеа на истражувањето сметаат дека станува збор за историја која се врзува за период од три илјади години пред новата ера. Треба да се направат технички анализи, за да имаме повеќе податоци, рече Јилмаз.

Тој додаде дека ќе се побара помош од Министерството за култура и туризам ова место да биде отворено за туристички посети.

– Ова е национално богатство. Сакаме туристите кои ќе дојдат во Кападокија, да го видат и подземниот град, рече Јилмаз.

Еден од жителите на подрачјето е и Аладин Сариташ, кој рече дека пред околу 20 години дошла една туѓинка и рекла дека тука се наоѓа Цезаровиот амам и оти собира информации за лековитите води.

– Доаѓаа и други луѓе со мапи. Зборуваа за некој подземен простор. Подобро од нас знаеја за што се работи. Потоа, доаѓаа во уште поголем број, сите зборуваа за лековити води, додаде Сариташ.

Малите кучиња се поагресивни

И покрај верувањата дека најагресивни и најопасни кучиња се бул-териерите (пит бул, стафордски териер), доберманите и ротвајлерите, ново американско истражување посочува дека најопасни се малите раси. Трудот е објавен во списанието „Аплајд енимал бихејвиор сајенс“, а спроведен од Универзитетот на Пенсилванија.

Тоа опфатило 6.000 испитаници, сопственици на 33 раси кучиња, и се покажало дека најагресивно куче е – дакелот (познат и како јазавичар). Според наводите, секој петти дакел гризнал непознато лице или нападнал друго куче, а секој дванаесетти го нападнал својот сопственик. На второ место е чивавата, а трети е „Џек Расел“ териерот.

Најнеагресивни се басетите, златните ретривери, лабрадорите, сибирските хаски и англиските кратковлакнести борзои. Бул-териерите и ротвајлерите се некаде на средина, а некои и под просекот. Научниците напомнуваат и дека за нападите на оние „големите кучиња“ нај многу се говори оти тие се посилни и поопасни од другите.

Истражување: Малите кучиња се поагресивни | opserver.mk

Карлеуша се смири со најголемата ривалка, познати деталите

Кристина Киа Коcкар и Јелена Карлеуша се смирија.
 
Фолк дивата одлучи да ги „закопа военаите секири“ заради мајката на Киа која во младоста му помагала на нејзиниот сопруг Душко.

– „Никогаш не мислев ништо лошо, без врска се препукувавме … Бев културна, постојано велев дека тоа е само шоубизнис. Имаше една работа што многу ми пречеше, но сега нема да зборувам за тоа. Било, па поминало. На Карлеуша и се случи трагедија во случајот со мајка и, па јас не продолжив повеќе да полемизирам со неа. Потоа видов дека на Инстаграм Јелена ми ја лајкнала нејзината песна што јас ја изведував. Јас на настапите пејам дури четири нејзини песни“  – изјави Киа за српски „Гламур“.

Решете го стресот на работа со овие едноставни трикови!

Овие совети ќе ви помогнат да не се нервирате премногу на работното место…

Три четвртини од жените чувствуваат стрес на работното место и сметаат дека токму тој го загрозува здравјето и го убива расположението. Нешто помал број (но сепак значаен) се оние кои поради стресот со кој се соочуваат секојдневно развиваат сиптоми на депресија. Со оглед на состојбата во друштвото, мал број на работни места и силната конкуренција разбирливо е зошто толку многу стресот е присутен. Се обидовме да пронајдеме решенија што ќе ви помогнат засекогаш да го победите стресот:

Земете пауза!

Иако понекогаш се чини дека тоа ќе предизвика катастрофа од поголеми размери ако го напуштите работното место, тоа нема да се случи. Направете пауза од половина час, прошетајте, јадете ужина во мир или разбистретете ја главата на свеж воздух. Тргнувајќи се од стресната средина, па макар и на кратко, ќе ве опушти, ќе се смирите и ќе ги наполните батериите, а со тоа ќе бидете и продуктивни.

Џвакајте!

Бројни студии покажале дека гумите за џвакање го намалуваат стресот за дури 17%, а освен тоа што смируваат, за дури 67% ги подобруваат мултитаскинг способностите.

Најчитани

Твитови