Луѓето не стануваат целосно „возразни“ до 30-те години

Научниците тврдат дека е тешко да се дефинира кога точно некој човек станува возрасен. Истражувањата покажуваат дека луѓето не стануваат целосно „возразни“ до 30-те години.

Научниците кои се занимаваат со истражување на мозокот и нервниот систем, сметаат дека возраста во која некој станува возрасен е индивидуална.

Истражување покажува дека мозокот на 18-годишник и понатаму минува низ промени, кои можат да влијаат на однесувањето и кои ја зголемуваат веројатноста за развој на менталните нарушувања.

– Сметаме дека е апсурдно да се дефинираат годините кога лицето преминува од детство во возрасен период. Тоа е повеќе транзиција која се одвива во текот на три децении, истакнува професорот Питер Џонс од Кембриџ.

Тој претпоставува дека таквите дефиниции се поволни за образовниот, здравствениот и правниот систем.

Кога лицето ќе наполни 18 години може да гласа, да купува алкохол, да склучува брак, а полицијата кон него се однесува како кон возрасен.

Без разлика на тоа, професорот Џонс наведува дека верува оти судиите со искуство прават разлика меѓу обвинет 19-годишник и „криминалец“ во доцни 30-ти години.

– Не се преминува директно од детство во возрасен период. Тоа е патување кое трае, додава Џонс.

Невремето искрши автомобили во Крива Паланка (ВИДЕО)

Невремето кое вчера беснееше во Крива Паланка попладнето, направи голема штета.

Пукнати ветробрански стакла, оштетени објекти се само дел последиците, кои се гледаат во видеото од невремето постирано на сајтот на Курир.

Невремето се случи додека цела Македонија беше во жолта фаза.

Убиство го потресе Скопјe: Семејна драма заврши трагично

Скопјанка била убиена вчера вечер во скопската населба Шуто Оризари, објави 24 Инфо.

Убиството се случило околу 22 часот и 30 минути кога 31-годишната жена настрадала сакајќи да спречи тепачка меѓу двајца братучеди. Тие почнале расправија додека седеле и пиеле во дворот на едниот од нив, па едниот се вратил со нож, а сопругата на едниот од братучедите се обидела да ги смири и раздвои., но во хаосто таа била прободена.
Од МВР го потврдија убиството, а детали денеска.

За една недела 70 нови случаи на морбили

Министерството за здравство информира дека во текот на изминатава недела се регистрирани 70 нови случаи на мали сипаници што е за 17 случаи помалку во однос на претходната недела.

На Клиниката за инфективни болести се лекуваат вкупно 14 пациенти, од кои 12 возрасни и две деца. На одделот за интензивна нега продолжува лекувањето на 16-годишната пациентка со церебрална парализа и ЕPI по морбили и масивна пневмонија.

Кумулативно од почетокот на епидемијата во декември 2018, досега, во нашата држава се регистрирани 1.891 случај на мали сипаници со инциденца од 91,4 на 100.000 жители.

Вкупниот број на вакцинирани лица на возраст до 14 години со МРП вакцина од почетокот на епидемијата, пак, изнесува 29.857. Од нив, 15.250 деца се вакцинирани на територија на градот Скопје, додека пак, во останатиот дел од државата вакцинирани се 14.607 деца.

„Родители ја препознаа важноста за навремено вакцинирање на децата. Не постои друга поефективна медицинска технологија што го заштитила и го унапредила човековото здравје како вакцинацијата. Таа е единствената мерка за заштита од мали сипаници“, велат од МЗ.

Во извештајот на Европската Комисија се вели дека Министерството за здравство презеде чекори за контрола на ситуацијата со епидемијата, преку директна вакцинација во училиштата и детските градинки и со започнување на голема кампања за вакцинација.

„Само со стапка на вакцинација од над 95 отсто од населението, ќе обезбедиме колективен имунитет и ќе биде оневозможено ширење на вирусот меѓу популацијата. Сите деца што се невакцинирани, за да се заштитат од заболувањето, треба веднаш да се вакцинираат“ велат од Министерството.

Најчитани

Твитови