Необично: Мала ученичка му одржа драгоцена лекција на наставникот

Наставник од Албама, САД, на социјалните мрежи напишал дека оваа недела научил драгоцена лекција од една негова ученичка.

Прајс Лоренс кој предава во основното школо во Хантсвил, напишал на Фејсбук дека неговите ученици забележале дека во последно време тој е “отсутен”. Кога го прашале зошто, тој им одговорил дека починал таткото на неговата сопруга и дека сега тој се грижи за неа.

„Сите ми рекоа дека им е жал и потоа продолживме да работиме”, напиша тој.

Кога учениците ја напуштиле училницата после часот, едно девојче се приближило до наставникот и му ставило нешто во раката.

„Ми рече: Ова е за вашата сопруга. Знам дека погребот е многу скап, кога татко ми почина го научив тоа. Денеска навистина не сакам сладолед”. Девојчето му предало 75 центи и порака на која пишувало:” Госпоѓо Лоренс, жал ми е “.

„Би сакал светот да посветува повеќе внимание на децата, бидејќи од нив можеме многу да научиме”, заклучи наставникот на својот статус, кој е споделен повеќе од 480.000 пати.

Најдобриот наставник во светот: Секој месец платата им ја давал на сиромашните ученици!

Наставникот Питер Табиќи од Кенија, кој својот поголем дел од заработката ја дава на сиромашни ученици, е избран за најдобриот наставник во светот. Неговата награда вредна милион долари, му е доделена во Дубаи.

Питер предава математика и физика, а 80% од неговата плата, тој ја донира за да им помогне на сиромашните ученици во селото Пвани.

Во ова село, кое се соочува со проблемите од типот на суша и глад, речиси третина од децата се сирачиња или имаат по само еден родител.

Табиќи (36) е избран меѓу 10.000 кандидати, од 179 земји. Водител на церемонијата на која тој ја добил наградата ја водел актерот Хју Џејман, пишува „Асоишејтед прес“.

Наградата ја установила фондацијата „Варки“ во Дубаи.

Со маска од ПАВЛАКА до неверојатен ефект!

Павлаката е производ кој поседува уникатни својства, кои се должат на нејзиниот балансиран состав од лековити материи, масти и витамини (А, Е, Б1, Б2, и Ц). Таа се апсорбира лесно и речиси не остава мрсни траги.Маските од павлака се идеални за сите типови кожа.

За приготвување на маската ви е потребно:

- една лажица павлака,

- една жолчка од јајце,

- една лажица алое.

Алое ќе најдете речиси во сите наши аптеки, во поголема опаковка, но ќе го употребите за приготвување на многу други маски.

Нанесете неколку слоеви од маската на лицето, деколтето и вратот ( штом се исуши едниот слој, нанесете нов ). После 20-30 минути исплакнете го лицето најпрво со топла, а после тоа со ладна вода. Маската има неверојатен ефект, подмладува, ја освежува и храни кожата.

Најчитани

Твитови