Какви жени сакаат мажите? Што предвидува и советува астрологијата?

Ви се допаѓа некое момче? Не сте сигурни дали му се допаѓате? Можеби хороскопот ќе ви помогне да откриете.

Oвен

Овните сакаат жени кои се самостојни, знаат точно што сакаат, храбри се и спонтани. Тие ја почитуваат слободата на оваа жена и ја ценат нејзината сила и храброст. Мажите родени во овој знак сакаат предизвици и можат да уживаат во тоа да бидат заведени од самоуверената жена така што тоа ја прави уште поинтересна.

Бик

Мажите Бикови сакаат жени кои се мирни, нежни и пријатни, кои покажуваат приврзаност како мали мачиња. Преферираат жени кои се лежерни, но и кои цврсто стојат на земја, но не и оние кои се премногу самостојни или пак енергични.

Близнаци

Овие мажи се привлечени од жени кои се паметни, но и мистериозни. Можат да ги привлечат жени кои не се премногу убави, но се интересни и духовити. Тоа се особини кои Близнаците ги ценат повеќе од убавината.

Рак

Жените кои се подготвени да бидат покрај мажот роден во овој знак се токму оние кои ги сака покрај себе. Раковите сакаат некој да ги сака и да се грижи за нив, но и да бидат разгалени од таа личност. Таквата жена е совршена за Ракот.

Лав

Лавовите сакаат жена на која ќе можат да бидат горди и покрај која ќе можат да се чувствуваат уште помоќно. Сакаат префинети, убави и драматични жени кои оставаат впечаток каде и да се појават.

Девица

Тој прво ќе ја забележи жената која е дотерана и конзервативно облечена. Девиците се многу пребирливи и не сакаат ништо помалку од совршенство. Поради тоа се и често сами.

Вага

Мажите родени во овој знак сакаат жени со стил, кои имаат добар карактер, но и кои не се многу формални. Овој маж посакува покрај себе жена која е едноставна и која ќе му помогне да го постигне балансот во животот по кој тој копнее.

Шкорпија

Емоционално нестабилните Шкорпии се привлечени од витални и страствени жени. Тие сакаат динамични и силни жени кои воопшто не се неодлучни. Тие едноставно сакаат божици.

Стрелец

Стрелците сакаат жени кои се чесни, директни и самоуверени. Тие сакаат прво пријател, а потоа партнер во врската. Нивната совршена жена е онаа која еден момент е детинеста, а друг со нив може да зборува за филозофија и длабоки теми за животот. Сакаат среќна и задоволна личност покрај себе.

Јарец

Жени кои се општествено прифатени и формални, но и кои имаат високи цели во животот. Тие се совршените за мажите родени во овој знак.

Водолија

Мажите Водолии сакаат жени кои се интелигентни, самостојно со слободен дух и кои се одлични за разговор. Мистериозноста и неконвенционалноста ги фасцинираат секогаш.

Риби

Мажот роден во овој знак сака жени кои се романтични и емотивни, но и помалку пасивни.

Да се почитуваат препораките за заштита од топлото време

Граѓаните да ги почитуваат општите препораки за заштита од високите температури со оглед на најавите дека денеска и утре Македонија ќе биде зафатена од жолта (алертна) фаза, апелира Министерството за здравство.

Носење светла и лесна облека, заштитни очила и капа, престој во затворени, климатизирани простории или почести одмори под сенка доколку се излегува надвор, внесување помало количество храна, претежно овошје и зеленчук, а помалку маснотии, пиење повеќе течности, најдобро обична вода, и избегнување алкохолни пијалаци,…, се само некои од препораките на лекарите кои посебно нагласуваат дека хронично болните лица треба редовно да ја земаат препишаната терапија.

Исто така, возилата, одредено време пред влегување во нив, да се проветрат.

Поради високите температури и зголемената можност од појава на труења со храна и цревни заразни заболувања, се препорачува задолжително миење на земјоделско-градинарските производи (свеж зеленчук и овошје), како и термичка подготовка на храната и нејзино консумирање во многу кус рок по подготовката (доколку тоа не се направи, подготвената храна да се стави во фрижидер на + 8 степени, а пред употреба истата да се загрее на + 100 степени). Се препорачува да се избегнува консумирање производи кои не се термички обработени (мајонез од домашни јајца), а внимателно да се консумираат и сладолед и разни кремови.

Министерството за здравство потсетува дека во сите градови низ државата во соработка со здравствените домови се поставени пунктови за превентивни препораки и совети за заштита од високите температури. Пунктовите функционираат секој ден од 18:30 до 21:30 часот – се мери крвен притисок и се даваат совети за превенција од топлото време и за здрав начин на живот.

Возач тешко повреден, со автомобил излетал од пат и удрил во дрво

Возач е тешко повреден во сообраќајна несреќа која се случила вчера околу 22 часот на регионалниот пат Кавадарци-мотел Дреново, кај градските гробишта.

-К.Г.(55) од Кавадарци, управувајќи патничко возило „Ровер“ со кавадаречки регистарски ознаки, излетал од патот и удрил во дрво, информираат од МВР.

Возачот се здобил со тешки повреди, по што бил пренесен во болницата во Кавадарци.

Увид на местото извршила екипа од Полициската станица Кавадарци.

Знаци кои покажуваат дека со сигурност бегате од љубов

Кој рече дека љубовта е едноставна? Било да сте некое време слободни или пак сте во брак во кој не чувствувате поврзаност со партнерот, големи се шансите дека во некои моменти сте се дистанцирале. Дистанцирањето иако наизглед нè заштитува од повредување, всушност прави да се чувствуваме уште поосамени.

1. Се обвинувате себеси за секое емотивно промашување

Некои фрази кои жените си ги говорат себеси се: „Не сум доволно слаба“, „Престара сум“, „Не сум доволно добра сопруга“. Колку и да е тешко да се оттргнете од овие размислувања, морате да се потрудите затоа што секој којшто сака да биде во добра врска заслужува да биде емотивно исполнет. Од помош можат да ви бидат разни мотивациски пораки кои ќе си ги кажувате и повторувате самите на себе, а исто така и посетата на терапевт може да помогне.

2. Негативни сте

Дали некогаш сте слушнале за законот за привлекување?

Доколку сѐ уште сте заглавени размислувајќи за лошите работи што ви се случиле порано, тоа нема да ви донесе ништо ново. Вашата емоционална состојба може да влијае врз вашата енергија и сигналите кои ѝ ги испраќате на околината. Доколку сте негативни, такви луѓе и ќе привлечете. Тоа секако ќе води кон нови разочарувања. Наместо да бидете негативни, запишете што не ви одговарало во претходната врска, кои ваши потреби и желби не биле задоволени и зошто. Со запишувањето ќе се натерате да навлезете длабоко и да го пронајдете коренот на проблемот.

3. Продолжувате да ги правите истите работи, а очекувате различни резултати

Понекогаш е многу тешко да се воочат шаблоните на однесување, а уште потешко е да се променат. Ако љубовта секогаш ја наоѓате на погрешни места односно во погрешни луѓе, време е да се запрашате себеси каде грешите. На кој начин вообичаено ги запознавате партнерите и кој тип мажи најмногу ви се допаѓа? Одговорите можат да ви помогнат да ги воочите шаблоните и следниот пат да пробате нешто поразлично.

Најчитани

Твитови