Децата најмногу учат додека набљудуваат

Работата на родител никогаш не завршува, секогаш постои уште нешто на што можеме да ги научиме своите деца. Но покрај сето она на кое наменски и свесно го учиме, постојат работи кои децата ги учат од нас и доследно ги применуваат, а за кои воопшто и не сме свесни.

Некои најважни лекции за животот нашите деца ги учат од нас во моментите кога не знаеме дека не набљудуваат.

Децата учат како да се носат со стресот, тешкотиите и фрустрациите. Кога сте вознемирени ако реагирате со викање, плачење или нервоза, децата тоа го гледаат, иако таквите реакции не се насочени кон нив.

Родителите, кои се нервозни може да одгледаат мошне нервозни деца, иако тоа не го сакаат. Исто така ако родителите ги потиснуваат емоциите, децата од нив ќе учат како да ги потиснат своите емоции. Секогаш имајте на ум дека тие мали очиња ве набљудуваат. Секако сите ние сме само луѓе и не можеме секогаш да го контролираме чувството на фрустрација, но важно е на детето да му објасниме зошто сме реагирале на одреден начин, како и дека постојат алтернативи на таквата реакција и однесување.

Децата учат гледајќи како нивните родители комуницираат или како се однесуваат во нивниот меѓусебен однос. Како вие комуницирате со партнерот? Кој донесува одлуки? Дали несогласувањата резултираат со викање или со солзи? Дали секојдневно покажувате почитување еден кон друг?

Дали децата ги гледаат моментите кога сте нежни еден кон друг? Важно е да одговорите на овие прашања со цел децата подобро да ги научите за односите во врските или во бракот. Тоа не значи дека децата треба да изградат идеална слика. Секако нормално е да видат дека во односот меѓу две лица има несогласувања. Важно е да се знае дека децата ќе го споредуваат односот на своите родители со нивните идни врски. Поради тоа е добро да се даде добар, но реален пример.

Доколку изнајмите дадилка за да го почува детето за да можете со брачниот партнер да излезете и да ја прославите годишнината, ќе го научите дете колку е битно во бракот партнерите да имаат време еден за друг.

Доколку на пример одлучите со детето да играте „Не лути се човеку“, наместо да ја чистите бањата, детето ќе научи дека вашето заедничко време е поважно од се и ќе го преземе тој модел. Секако треба да му објасните дека таквите работи не можат да се одложуваат секој ден и дека во еден момент навистина морате да ја исчистите бањата. Вашите деца учат за приоритетите со гледање, а не со слушање.

Што мислите што го научивте денеска своето дете? Можеби не сте свесни, но би биле изненадени со пораките кои им ги испраќаме на своите деца токму во моментите кога немаме таква намера. На децата не можеме да им одржиме лекција за односите, емоциите и приоритетите во животот. Тие работи едноставно можеме само да им ги покажеме.

Чоколаден колач со три состојки идеален за во лето

Се подготвува брзо и едноставно, а вкусот е фантастичен.

Состојки:

4 јајца

300 гр чоколадо

Овошје по избор

Подготовка:

Загрејте ја рерната на 170 степени.

На пареа стопете 200 гр чоколадо. Одвојте ги белките од жолчките. Со миксер изматете ги белките да формираат цврста пена.

Во растопеното чоколадо ставете ги жолчките, една по една и матете со жица. Потоа наизменично додавајте ги белките и мешајте.

Смесата ставете ја во подмачкан плех или плех обложен со хартија за печење.

Печете околу 30 минути.

Кога колачот малку ќе се олади, прелејте го со останатите 100 гр растопено чоколадо, а одозгора наредете овошје по избор.

Трик со кибрит кој открива дали имате здрави бели дробови

Дали е се во ред со вашите бели дробови може да ви покаже мал тест за кој ви требаат само кибрит и запалка.

Запалете го кибритот и испружете ја раката во која ја држите пред себе. Вдишете длабоко на нос и издишете од уста.

Колку пати ова го направивте пред да го изгасите кибритот? Доколку ви требало некоклу пати за ова да го постигнете, тогаш веројатно имате проблем со белите дробови. Овие проблеми можат да бидат предизвикани од пушење, недостаток на физичка активност и хронични болести на респираторните ограни. На капацитетот на белите дробови може да влијае и начинот на живот, но и болест.

Тестот е неопходно да се прави во соба која е проветрена, и во која нема големо струење на воздух.

Контакт со поранешниот партнер – да или не?

Две различни истражувања спроведени со лица кои се во врски, открија колку често луѓето комуницираат со поранешните партнери и како тој контакт влијае врз нив. Околу 40 отсто од студентите се во контакт со поранешните партнери, а над 90 отсто почнале да комуницираат со нив неколку месеци по раскинувањето.

Многу мал број, само 13 проценти од испитаниците комуницираат со поранешните партнери неколкупати неделно. Оваа појава е  помалку присутна кај луѓе кои биле во сериозна врска, свршени или в брак.

Од друга страна пак, според стручните лица, поголема е веројатноста некој да остане во врска со поранешниот партнер ако во мигот на раскинувањето сѐ уште имал чувства кон него или неа. Во натамошната комуникација најчесто се вклучуваат оние кои се надеваат на помирување.

Исто така, поверојатно е дека ќе останат во контакт луѓето чија врска не завршила со сериозна емоционална траума за една од страните. 

Најчитани

Твитови