Овошје и зеленчук кои ќе ви ја згаснат жедта како водата

Кога сте жедни, веројатно по инерција пиете вода. Во текот на летото тоа сигурно е голема количина вода. Меѓутоа, жедта не се гаси само од овој напиток, туку и со овие четири магични намирници кои ќе спречат вашето тело да дехидрира.

Дали знаевте дека жедта може да ја згаснете и со одреден вид на храна, а не само со вода?

Ова е листата на намирници кои се совршени за гасење жед.

Лубеница

Лубеницата е кралица на летните деликатеси. Содржи приближно 92 отсто вода и многу антиоксиданси. Лубеницата би требало секогаш да ви биде избор број еден во летните денови, затоа што не само што ќе го рехидрира вашето тело туку и ќе ве сочува од опасни болести.

Краставица

Краставицата соджи речиси 97 отсто вода и е одличен летен рехидратор. Користете ја ладна и свежа. Но, за да го извлечете максимумот од краставицата, ставете ја во блендер, добиениот сок изладете го и консумирајте го во текот на целиот ден.

Киви

Доколку изберете киви тогаш никогаш нема да погрешите. Тоа е овошје кое е едноставно здраво и корисно за целото тело во текот на сите годишни времиња. Не само што е голем рехидатор тукуе и моќен чувар на вашето здравје.

Домат

Доматот содржи речиси 95 отсто вода, но и огромна количина антиоксиданси и други материи кои се од голема корист за вашето тело. Користете го доматот секогаш и секаде. Тој е непогрешлива намирница за сите јадења и вистински летен избор.

Зошто ШВАЈЦАРСКОТО СИРЕЊЕ има дупки?

Постои научно објаснување зошто во швајцарското сирење има дупки, но и зошто во поново време тие дупки се сè помали.

Се работи за честици сено кои останувале во млекото дури и при термичката обработка. Кога сирењето зрее, во тој процес честичката сено околу себе создава меур од воздух, што резултира со познатите дупки.

Во последните години некои производители додаваат вештачки вакви честички, за да се осигураат дека во сирењето ќе има дупки. Причина за тоа е што модерниот начин на молзење на кравите и складирање на млекото е автоматизиран и под строги контроли, па затоа тешко се случува во млекото да остане честичка од сено.

ФОТО: Сораја ја вжешти атмосферата во претесното бикини

Една од најпопуларните Балкански старлети Сораја Вучелиќ очигледно го живее животот  на „висока нога“. Таа на своите фанови на социјалните мрежи постојано им споделува фотографии на кои се гледа како ужива на егзотични дестинации.

Старлетата летово се забавува и проведува со своите исто така секси пријателки во Марбеља, Шпанија.

Зошто ви е тешко да го преболите раскинувањето?

Зошто ви е тешко да продолжите понатаму со животот после раскинувањето на врската, иако сте свесни дека тоа било најдоброто можно решение и исход?

Раскинувањето не е лесен чекор, без разлика дали одлуката била взаемна, ваша или на другата страна. Сепак сте се разделиле од личност со која некогаш сте биле среќни, во која сте биле вљубени.

Има неколку причини зошто ви е тешко да го преболите и надминете раскинувањето:

Осаменост

Една од најчестите причини зошто на луѓето им е тешко да продолжат понатаму по раскинувањето е осаменоста за која стануваат свесни во моментот кога веќе го немаат партнерот покрај себе.

Осаменоста може да нѐ натера да почнеме да копнееме по личност која не била добра за нас.

Решение за ваквите моменти на криза е префрлање на фокусот. Најдобро е фокусот да го префрлите на себе, на нешто што ви причинува среќа, задоволство и радост. Искористете го ова слободно време за нешто корисно и продуктивно и не заборавајте – подобро е да сте сами отколку со некој кој не е добар за вас.

Изгубена самодоверба

Ако сте биле во врска со личност која не била добра за вас или не ви обрнувала внимание, можно е вие да сте почнале да ја губите самодовербата уште додека сте биле во таа нефункицонална врска.

Но, не е сѐ изгубено. Тоа била вашата реакција на таа личност и таа ситуација. Сега сте сами и целото внимание е насочено на вас и вашата добросостојба.

Опкружете се со луѓе кои ве сакаат и во го посакуваат само најдоброто, луѓе кои ве ценат и ве почитуваат, кои веруваат во вас и вашите способности.

Полека, полека, ќе избледи сеќавањето на тоа дека таа личност правела да се чувствувате лошо, а вие ќе најдете начин, механизам и метод да се сакате себе си и да ја одржувате таа љубов и почит кон себе.

Најчитани

Твитови