Никогаш не се задоволувајте со лошо кафе, лоши пријатели или лоши мажи!

За некои работи во животот потребно е повеќе труд.

Во последно време, во мода е да се шири идејата дека е кул да не ви е гајле за ништо.

Луѓето сакаат да сте опуштени, да не се замарате. Сакаат да бидете лабави и се да прифаќате како што доаѓа. Тоа е супер идеја и начин на живот и оваа идеја треба ја спроведувате во некои делови од животот, но не секогаш и не секаде.

Постојат работи во животот кои никогаш не смеете да прифатите да бидат медиокритетни. За некои работи морате да се борите.

Луѓето кои не знаат како да живеат според своите стандарди ќе се обидат да направат да се чувствувате лошо за вашите сопствени. Тие ќе ве нарекуваат со секакви имиња. Тие ќе сакаат да се чувствувате себично само затоа што сакате да бидете среќни.

Но, ако го живеете сопствениот живот грижејќи се за тоа дали луѓето мислат дека се грижите премногу, тогаш ќе имате лабав, но многу досаден живот.

Ако страста ги плаши луѓето, заминете си. Ако вашата енергија е премногу за некого, исфрлете го од вашиот живот. Ако тоа што сте јасни и гласни за тоа што го сакате се смета за премногу, тогаш продолжете да барате.

Вашиот живот треба да е одраз на работите кои ги сакате најмногу и она што ве прави среќни. Не треба да се плашите да го кажете тоа. Ако се однесувате како да не ви е гајле, тогаш ќе добивате работи за кои навистина не ви е гајле. Толку е едноставно.

Постојат милион работи врз кои не можете да имате контрола и за кои не треба да се замарате. Поголемиот дел од тие работи се поврзани со другите луѓе и за тоа што тие мислат. Треба да се ослободите од очекувањата на дугите луѓе, затоа што тоа што го прават луѓето е нешто што не можете да го промените.

Она што можете да го направите е да одлучите што ќе дозволите да влезе во вашиот живот. Вие имате контрола врз стандардите за живот кои вам ви се важни.

Затоа, не се задоволувајте со лоши пријатели кои ве користат. Не се задоволувајте со лоши мажи кои никогаш не ги исполнуваат ветувањата. И никогаш, ама баш никогаш не се задоволувајте со лошо кафе. Тоа ќе ви го уништи денот.

Животот е прекраток за да си ја трошите вашата енергија на работи кои постојано ве исцрпуваат. Затоа престанете да глумите дека не ви е гајле за ништо и фокусирајте се на тоа што можете да направите за да бидете среќни.

Правилното дишење, златна алатка во фитнесот!

Се спремате рекреативно или поозбилно за некој маратон па покрај вниманието што го оддавате на исхраната, хидратацијата, опремата итн. не заборавајте го најважниот сегмент од секое трчање – дишењето!

Сите сме го почувствувале тој момент во некој дел од нашата тркачка историја, било како деца, рекреативни или поозбилни тркачи кога здивот се губи од контрола и целото темпо се руши поради задишаноста. Ова претставува природна компонента на спортот бидејќи телото се бори за воздух, но истата може да се скроти и пренасочи со правилни техники на дишење во текот на трчањето, но и во преостанатите животни активности.

Клучот за трчање на подолги дистанци е да му се овозможи на телото доволен доток на кислород на мускулите кои имаат побарувачка. Тука во равенката влегува правилната техника на дишење која ќе му овозможи на човекот комплетно полнење и празнење на белодробниот капацитет, а тоа ќе го зголеми вкупниот волумен на вдишан кислород.

За овој процес да се случува на оптимален начин, потребно е човекот да дише споро и длабоко во текот на активноста, наместо кратко и плитко. Всушност, правилното дишење секогаш треба да “извира” од дијафрагмата, односно, тоа да биде стомачно, бидејќи овој тип на дишење е најефикасен во споредба со другите типови.

Абдоминалниот тип на дишење, иако недоволно практикуван од широката популација (луѓето често мислат дека ширењето на градите е знак за целосно наполнето белодробие) е всушност најприродниот начин на земање на воздух, а неговото инкорпорирање во секојдневието може да се постигне со свесно менување на навиките на дишење.

Доколку не сте сигурни дали дишете на овој начин, легнете на подот и рацете ставете ги над папокот. При вдишувањето, единствен дел што треба да се подигнува и спушта се рацете односно стомакот, не и градниот кош.

Кога ќе го вметнете ваквиот тип на дишење во ваштето секојдневие, во канцеларија, при стоење итн. веќе можете да го почнете да го практикувате и во трчањето каде свесно ќе се обидете да ја одржувате што е можно помирна и длабока секоја респираторна сесија.

Храна од микробранова: Штетна или не?!

Иако повеќето од нас веќе долго ја користат, секогаш останува енигма дали е навистина безбедно да ја подготвувате храната во микробранова печка – дали загревањето или подготвувањето на храна во неа е навистина здраво?

Експертите од Харвард тврдат дека е здраво, но не е се така едноставно. Имено, иако топлината која во бранови ја грее храната не е опасна сама по себе, некои видови на храна повеќето хранливи материи ќе ги задржат со вообичаеното готвење.

Од друга стана, за готвењето во микробранова печка особено е погодна онаа храна која ќе задржи повеќе хранливи супстанци ако се приготвува пократко и со што помалку течности. На пример, зеленчукот кој содржи многу витамин Ц е подобро да го подготвувате во неа.

Експертите според тоа заклучуваат дека не само што не треба да се плашите од храната од микробранова туку и во одредени случаи таа може да биде дури и поздрава.

Течен сапун vs Обичен сапун: Која употреба е поздрава и покорисна за кожата!

Многумина го користат течниот сапун наместо оној во цврста состојба, сметајќи дека поради амбалажата се отпорни на бактерии и дека нуди повеќе чистота.

На амбалажите на течниот сапун и тоа како можат да се соберат бактерии, кои најмногу се таложат на пластичните затворачи, кога ќе ги притиснете за сапунот да излезе. Ова особено важи за оние амбалажи кои повторно ги полните со течност.

Ден Ренер од фирмата „Катол Продактс“, која произведува средства за чистење, вели дека секоја амбалажа може да дојде во допир со бактерии кои се наоѓаат во близина.

„До тоа може да дојде преку валкани раце, валкани крпи за перење, валкана вода или честички во воздухот кои се собираат по повторното полнење“, истакна тој.

Токму поради овој факт потребно е  редовно да ги дезинфиицирате амбалажите за течен сапун, а посебно ако ги користите повеќе пати и повторно ги полните со сапун.

Најчитани

Твитови