НБМ со укажување до банките: добивката од 2019 да ја искористат за зголемување на капиталот

Дали годинава банките ќе делат дивиденди? Ова прашање се наметнува откако кризата со корона вирусот ги промени и економските текови во земјава и ги соочи и граѓаните и правните лица со огромна неизвесност. Колкави штети ќе претрпи стопанството допрва ќе се прават пресметки, но од Народната банка, која го регулира банкарскиот сектор во земјава, велат дека банките уште сега треба да се подготвуваат да бидат и во иднина столбот кој ќе помогне во заздравување на македонската економија. Оттаму и укажувањето добивката која ја имаат остварено минатата година, да се насочи кон зајакнување на капиталот на банките.

„Во рамки на интензивната комуникација со банките во овој период во врска со нивната подготвеност за справувањето со потенцијалните негативни последици од вирусот Ковид-19, Народната банка им укажа дека очекува како и досега, тие да покажат високо ниво на прудентност, вклучително и при носењето на одлуките за распределба на добивката остварена минатата година“, велат од НБМ.

Притоа, како што нагласуваат, надзорните и управните одбори на банките веќе биле известени дека „како надлежен регулаторен и супервизорски орган НБМ очекува добивката остварена во измината година да се стави во функција на натамошно зголемување на капиталот и финансискиот потенцијал на банките и над минималните законски и супервизорски барања, односно за градење дополнителен простор над нив“.

„Како што им е укажано, банките треба да се подготвени да обезбедат поддршка на редовното работење на граѓаните и фирмите кои се нивни клиенти, задоволување на квалитетната кредитна побарувачка, при истовремено покривање на евентуалните кредитни загуби како последица на ефектите на вирусот Ковид-19 врз домаќинствата и правните лица“, велат од НБМ.

Како што нагласуваат од централната банка, високото ниво на прудентност при носењето на одлуките за распределба на добивката ќе придонесе за натамошно успешно одржување на сигурноста и стабилноста на банкарскиот сектор, а со тоа и за одржување на финансиската стабилност.

Инаку, минатата 2019 година банките во Македонија, и покрај тоа што имаа за 21,5 милиони евра помала добивка од претходната и рекордна 2018 година, сепак работеа успешно. Тоа го покажува и профитот од околу 114 милиони евра на ниво на целиот банкарски сектор. Најголемиот дел од добивките и минатата година го остварија големите банки, нешто над 113 милиони евра. Успешни беа и малите банки кои имаа профит од 2,2 милиони евра, додека пак, средните по големина банки на крајот на годината беа во негатива од 1,2 милиони евра, покажуваат податоците на НБМ.

Деновиве, на презентирањето на првиот пакет мерки за поддршка на стопанството, гувернерката на НБМ, Анита Ангеловска Бежоска меѓу другото рече дека банкарскиот сектор останува да биде здравото јадро на македонската економија.

„Банкарскиот систем е стабилен, со високо ниво на капитализираност и адекватност на капиталот од 17 отсто, што е повеќе од двојно над законските барања“, рече гувернерката. Исто така и ликвидноста на банките е одлична, а нивото на лошите кредити изнесува 4,8 отсто, значајно помалку (за околу 2 до 3 процентни поени) во однос на повеќе земји во регионот.

Сепак, ризиците со кои се соочуваат фирмите поради кризата со корона вирусот, очигледно, го подигнаа нивото на претпазливост во централната банка. Дали банките ќе ги следат ваквите упатства, ќе се дознае наскоро, бидејќи некои од нив веќе ги имаат закажано акционерските собранија, а преку Македонската берза известија дека дел од добивката ќе распределат како дивиденда за акционерите.

Без цензура: Карлеуша како од мајка родена!

Јелена Карлеуша стана заштитно лице на кампањата ПЕТА за Европа, па нејзините голи фотографии ќе се најдат на билбордите ширум континентот. Рамо до рамо со светските ѕвезди како Ева Мендез, Наоми Кемпбел и многу други подржувачки, пејачката се фотографираше гола под заедничкиот слоган „Подобро гола отколку во крзно“

Понудата да биде токму таа во акцијата против употреба на крзно во модната индустрија веројатно ќе треба да ја оправда со тоа што нема, ниту да купува, ниту да се појавува, во облека и со модни додатоци од крзно, па останува да видиме...

Тим научници открија: Што ги прави мажите среќни во бракот?

Тим на научници откри дека за мажите естетскиот момент е многу важен и дека остануваат што подолго во брачните води ако покрај себе имаат убава партнерка, бидејќи се среќни.

Убавината на партнерката, за повеќето мажи е пресудна за успешен брак – покажало истражувањето. Студијата траела четири години и е спроведена на 450 парови, кои пред почетокот на истражувањето имале задача да го оценат партнерот, за неговата убавина. Резултатите покажале дека мажите и пред и по истражувањето не го промениле мислењето и оцената за убавината на својата партнерка. За разлика од мажите за жените убавината е на второ место. На прво место им е интелигенцијата и комуникативноста на партнерот.

Овие хороскопски знаци се оние кои најмногу изневеруваат!

Некои луѓе се склони кон обновувањето на љубовните врски со поранешните партнери иако се во брак, други тоа го прават бидејќи уживаат кога се во центарот на вниманието, а некои пак едноставно имаат силен сексуален нагон кој не знаат да го контролираат.

Скорпија

Луѓето родени во овој знак имаат силен сексуален нагон што може да ги доведе до ситуација да го изневерат својот партнер и тоа во случај доколку нивниот однос не е доволно страствен. Кога Скорпиите ќе видат нешто што сакаат да го имаат, без разлика дали станува збор за некоја личност или пак нешто материјално, ќе направат се за да го добијат. Тоа вклучува и лажење и манипулирање доколку е потребно.

Вага

Кога ќе дојде до проблем во врската, Вагите ќе направат се за да се реши ситуацијата. Но, тие не сакаат расправии и ќе се обидат на секој начин да ги избегнат. Понекогаш знаат да се преправаат дека не забележуваат што се случува за да има мир во куќата. Иако луѓето родени во овој знак не се склони кон прељуба, ќе го направат тоа за да се чувствуваат подобро, за да почувствуваат дека и понатаму се пожелни и да ја пополнат празнината која ја чувствваат бидејќи се во несреќна врска.

Лав

Сите знаат дека Лавовите сакаат да бидат во центарот на вниманието и тешко ќе им одолеат на луѓето кои ги третираат на тој начин. Нивното его и самодоверба може да биде атрактивно за другите. Тоа е и причината поради која големи се шансите да извршат прељуба, особено ако оној кој пробува да ги освои го храни нивното его.

Стрелец

Луѓето родени во овој знак имаат немирен дух, многу се радознали и секогаш бараат нешто ново и возбудливо. Многу се спонтани и често постапуваат без да размислат за последиците. Кога се Стрелците несреќни во врска, ќе го изневерат партнерот со еден или повеќе љубовници. Нивната слободоумност и авантуристички дух за другите се многу привлечни.

Најчитани

Твитови