Дали тефлонските тави предизвикуваат рак?

Како грижата за сето она што го јадеме да не е доволно голема, па сега мора да водиме сметка и за садовите во кои ја подготвуваме храната.

 

Сепак, изгледа дека тоа е навистина така, бидејќи минатата недела Агенцијата за безбедност и зачувување на животната средина на САД нè опомена да внимаваме на садовите за готвење кои имаат нелеплива површина.

Перфлуорната катоничка киселина која се наоѓа во составот на ваквите садови, докажано предизвикува одредени видови на тумори на црниот дроб и тестисите, а влијае и на плодноста општо кај животинските видови. Иако не е докажано дека оваа хемикалија која се наоѓа во составот на тефлонските садови, влијае врз човекот на било каков начин, Агенцијата за безбедност и зачувување на животната средина, опоменува дека сепак не би требало да ризикуваме.

Кујнските садови се општо чест предмет на полемика поврзана со здравјето. Во седумдесетите години се верувало дека алуминиумот предизвикува Алцхајмерова болест, што довело до значајно намалување на неговата употреба во производството. Сепак, оваа теорија никогаш не била докажана.

Бакарните садови пак може во текот на готвењето да отпуштаат извесно количество од материјал кој може да предизвика мачнини и дијареа.

Железото исто така може да предизвика извесни здравствени проблеми, додека за нерѓосувачкиот челик се верува дека е сосема безбеден.

И покрај бројните теории, за тефонските садови сепак се верува дека се безбедни, поради специјалниот начин на производство и изложувањата на високи температури.

Според една спроведена студија, во која биле тестирани 26 тавчиња со нелепливо дно, ниту едно од нив, при висока температура, не отпуштало било какви хемикалии.

Сепак, се забележало дека некои личности почувствувале мачнини откако консумирале храна која загорела додека се подготвувала во тефлонски сад.

Епилогот на оваа приказна е дека сепак може да ги користите тефлонските садови, без страв за вашето здравје. Но сепак ќе треба да внимавате да одржувате оптимална температура и да не ги изгребете. Ако тоа сепак се случи, препорачливо е да ги замените со нови садови, токму поради безбедноста на вашето здравје.

Дерматолозите откриваат: Кокосовото масло е одлично но не делува лековито на сите типови кожа!

Веќе подолго време се зборува дека кокосот е лековит, и за бјути предностите од кокосовото масло, за неговите својства кои одлично делуваат на кожата и косата, за лекување на лузни и спречување на стареењето на кожата.

Според дерматологот и научник Џошуа Зејкнер, кокосовото масло е сепак “тешко” за лицето.

“Ова масло има многу бенефиции, но ги затвора порите. Во основа, кокосовото масло е многу заштитено и наместо да се апсорбира во кожата, останува на неа. Посебно не се препорачува за лицата кои се склони на акни и митесерии”.

Иако кокосовото масло е богато со витамин Е, линолска киселина која ја смирува иритантната кожа, сепак ова масло не се покажа како добро за бробата против акни.

Само во одредени случаеви се покажа како одлично против воспаление на кожата и акните:

“Овде мора да ги имаме во предвид гените отколку лековитите својства на маслото. На одредени типови на кожа, маслото од кокос им одговара, а на други не. Некои се многу чувствителни на овој производ, други не и во тие случаеви генетиката игра важна улога”.

Кафето е лек за луѓето со срцеви заболувања!

Новото истражување вели дека секојдневното пиење кафе и чај може да биде од корист за луѓето кои имаат проблеми со срцето и ја поврзало консумацијата на кофеин, како состојка на овие два популарни пијалаци, со намалувањето на стапката на аритмии и абнормален срцев ритам.

Аритмија е состојба во која срцето бие премногу брзо, побавно или има нееднаков ритам. Многу лекари ги советуваат пациентите со атријална или вентрикуларна аритмија да избегнуваат пијалаци кои содржат кофеин. Но овие научници го покажале спротивното.

Тие анализирале 11 значајни научни студии, во кои вкупно биле вклучени 360.000 луѓе и откриле дека кофеинот нема никакво влијание на вентрикуларната аритмија, пишува Гардијан.

Анализата укажува дека внесот на кофеин од 300 милиграми на ден може да се смета за безбеден кај пациенти кои страдаат од аритмија. Тоа е, приближно, количина која е содржана во три шолји кафе.

Сепак, постојат бројни индивидуални разлики кога е во прашање чувствителност на ефектите на кофеинот, земајќи ги во предвид факторите кои водат до аритмии кај некои одделни случаи.

“Во студиите, во кои бил вклучен голем број луѓе, пациентите кои умерено конзумирале кафе и чај имале помал ризик за појава на проблеми со срцевиот ритам. Можно е тоа да влијаело позитивно на должината на нивниот животот”, заклучува тој.

Студијата беше објавена во научното списание на Американскиот колеџ за кардиологија.

Емотивна исповед: Вељко Ражнатовиќ ја отвори душата и прв пат јавно прозборе за неговото семејство и татко му!

Вељко Ражнатовиќ, синот на популарната пејачка Светлана Цеца Ражнатовиќ, почна професионално да се занимава со бокс. Вељко не крие дека неговата мајка би сакала нејзиниот син да се бави со нешто друго, но, секако го поддржува неговиот избор.

“Искрено, мислам дека мојот татко би сакал повеќе да сум некој дипломат, магистер или слично. Мислам дека би сакал да имам три универзитети, но не се сомневам дека би бил горд на мојот избор и триумфи “, изјави Вељко за српски магазин.

Тој вели дека сака да се ослободи од стереотипите “момче на мама”, па затоа избрал боречка вештина.

“Можеби тој  стереотип ме натера на тој спорт  спорт каде што не постои мајка, татко, баба,  дедо. Сам одам во рингот и се борам за својот живот. Јас сум син на Цеца и од тоа не можам да побегнам. Но,  јас сум исто така, син на Аркан и брат на Анастасија“, продолжува Вељко.

Тој верува дека ќе дојде денот кога ќе се наречат само по неговото  име и презиме. Против предрасудите кои постојат околу него, но поради популарноста на неговата мајка, научил да се бори.

Најчитани

Твитови