Стефанија Сулева е 23 годишна девојка од Радовиш. Има завршено средно фармацевтско лабараториски техничар, а моментално работи во аптека и студира фармација.
Во манекенството влегла уште на 6-годишна возраст, а додека траело основното и средното школување, Стефанија Сулева имала и повеќе време да се занимава со оваа професија.
Оваа убавица смета дека убавината е нешто што не треба да се крие, туку треба да се истакне, и дека секој човек си има своја убавина. „Под нега подразбирам внатрешна и надворешна нега, пијам многу вода, се хранам здраво со многу овошје и зеленчук, се грижам за моето лице и тело и внимавам да имам добар сон. Козметичките салони се едни од најпосетуваните места за мене. Во животот се трудам да не се водам според диети и диетални производи, повеќе внимавам да не внесувам многу калории, а внесените калории пак ги трошам со трчање, пливање, пешачење и аеробик“, вели Стефанија, која шест години се занимавала и со балет.
Најпрво што ѝ паѓа в очи кај еден маж е висината. Сака високи мажи со убаво обликувано тело, а и очите се, исто така, меѓу првите работи што ги забележува. „Многу ми е важно како изгледа некоја личност, како се облекува. Личностите без стил за мене се личности што немаат цврст карактер“. Вели дека нејзините родители се одговорни за тоа што е таа денес и за начинот на кој размислува: „Секогаш ми велеа да се занимавам со тоа што ме прави задоволна, па тие се среќни што напредувам во манекенството, но секогаш е присутен и советот дека во животот треба да градам и друга кариера. Ме научија да се грижам сама за себе, да ги препознавам убавото и лошото во животот и дека не треба да се суди според изгледот, туку според тоа што се крие во личноста“.
