ГО ПРЕЖИВЕАЛ ХОЛОКАУСТОТ: Има 112 години и е најстариот човек на светот (фото)

Израелец стар 112 години кој ја преживеал втората светска војна и нацистичкиот концентрационен логор Аушвиц, е најстариот маж на планетата, објави Гинисовата книга на рекорди.

Во соопштението е наведено дека Јизраел Кристал бил стар 112 години и 178 дена на 11 март.

Шефот на Гинисовата книга на рекорди Марко Фригати му ја предал на Кристал потврдата во неговиот дом во Хаифи.

„Не ја знам тајната на долговечноста. Верувам дека се е одредено од горе и дека никогаш нема да ја дознаеме причината зошто е тоа така. Имаше попаметни, посилни и позгодни мажи од мене кои повеќе не се живи. На нас само ни останува да работиме колку можеме и повторно да го градиме она што е изгубено“- споделени се зборовите на Кристал од соопштението за Гинисовата книга на рекорди.

Според податоците на Гинис, Кристал е роден во 1903 година во ортодоксно еврејско семејство во близина на градот Зарнов во Полска. Се преселил во 1920 во Лоѓ за да работи во семејната фирма за слатки. Во текот на нацистичката окупација на Полска тој прво живеел го гето, а подоцна е депортиран во Аушвиц и во други концентрациони логори. Неговата прва жена е двете деца убиени се во холокаустот.

Кристал ја преживеал и Втората светска војна и кога се завршило имал само 37 килограми и бил единствениот кој преживеал од неговото големо семејство. Се преселил во Израел во 1950 година со втората жена и синот. Во Израел Кристал продолжил да ја развива семејната работа со слатките.

Пред него најстариот маж на светот беше Јасутаро Коиде од Јапонија кој почина во јануари на 112 години и 312 дена. Сузана Мушат Џоунс е стара 115 години, Американката е родена во 1899 година и е најстарата жена на светот според Гинисовата книга на рекорди.

Русинка иста Ангела Меркел: Галина е шампион во фрлање со ножеви (видео)

Галина Чувин (64), е руска копија на канцеларката Ангела Меркел (62), и таа е шампион во фрлање ножеви во мета. Галина вели дека нејзината сличност со Меркел е забележана откако нејзина фотографија проструила во медиумите како најдобар натпреварувач во овој спорт.

„Постои сличност, но бојата на очите ни е различна. Мојата е поубава“, вели Галина.

Оваа пензионерка редовно тренира во својата градина, а својата актуелна популарност сака да ја искористи за да го развие својот спорт, стрелање со нож во мета.

„Доколку би се сретнала со Ангела не би сакала да зборуваме за работа туку како жена со жена“, раскажува оваа Русинка. Погледнете го видеото:

Се воведува лимит на трошоците на граѓаните при користење потрошувачки кредити

Ограничување на надоместоците кои ги плаќаат граѓаните при одобрување и отплата на потрошувачки кредити, е главна цел на измените во новиот Предлог-закон за заштита на потрошувачите при договори за потрошувачки кредити.

Од Министерството за финансии денеска соопштија дека со ограничување на надоместоците, односно на годишната стапка на вкупни трошоци, ќе се намалат трошоците кои граѓаните го плаќаат при користење на потрошувачки кредити. Намалувањето ќе биде најзначајно кај кредитите во кои се одобруваат мали износи,  со кратки рокови на отплата, т.н. „брзи кредити“.

- На овој начин ќе се намали ризикот од дополнително влошување на состојбата на лицата кои имаат проблеми со отплата на кредитите, се вели во соопштението.

Најавата за новиот Предлог-закон за заштита на потрошувачите при договори за потрошувачки кредити е веќе на платформата ЕНЕР. Во текот на следната неделата целосниот текст на законот ќе биде објавен за јавна консултација.

Најчитани

Твитови