СП Русија: Германскиот херој се вика Крос

Од СП во 2002 година, актуелниот светски шампион испаѓа во натпреварите по групи, но Германија ќе се обиде да ја избегне таа ситуација, откако во 95. минута се спасија за 2:1 победа над Шведска и сега сами си ја кројат својата судбина за пласман во осминафиналето.

Швеѓаните во текот на 94 минути имаа позитивен резултат за пласмасн во осминафиналето, меѓутоа, Германците, како и неброено пати во минатото, покажаа дека фудбал се игра до последните минути, откако Тони Крос ги „спаси“ со прекрасен гол од слободен удар во 95. минута од мечот.

Сега, по комплетното второ коло, Мексико има шест поени на врвот, Шведска и Германија имаат по три поени, а „отпишаната“ Јужна Кореја нема поени. Во последното коло, „маншафт“ игра со Кореја, додека Шведска ќе мора да оди на победа над Мексико.

Германците почнаа силно со постојан притисок на голот на Шведска, и веќе во третата минута имаа одлична шанса преку Дракслер, кој го погодува само Олсен. Веднаш потоа Јонас Хектор повторно беше во шанса, а во деветтата минута, Кимих го наоѓа Ројс, кој ја враќа топката во петерецот пред Виктор Линделоф да ја „исчисти“ ситуацијата.

Швеѓаните во 13-тата минута бараа пенал, откако Берг беше соборен од Боатенг. Судијата Марчинијак реши дека нема потреба да се консултира со ВАР.

Мексико ја запиша втората победа и се пласираше во осминафиналето на Мундијалот во Русија

Рерпезентацијата на Мексико славеше победа од 2:1 во второто коло од групата Ф против Јужна Кореа и така го обезбеди пласманот во осминафиналето од Светското првенство.

Првиот гол на средбата падна во 26. минута кога Карлос Вела успешно реализираше удар од белата точка. На пеналот му претходеше несмасно играње со рака на Хјун Со Јанг.

Во продолжение на средбата Хирвинг Лозано имаше две добри шанси за водство но не ги искористи. Затоа младиот фудбалер беше асистент на Чичарито во 66. минута за зголемување на водството од 2:0.

Конечниот резултат го постави Хеунг Ми Сон во 93. минута од средбата. Со овој пораз Јужна Кореа и дефинитивно отпадна од комбинација за осминафиналето.

Најдобрата фотографија од Светското првенство која молскавично го освои интернетот (фото)

Фудбалскиот сојуз на Сенегал, на својот Инстаграм профил сподели фотографија од мечот со Полска, која во голем број е споделена на светските медиуми и веднаш е прогласена за најдобра до сега на Светското првенство во Русија.

Според коментарите, оваа фотографија ги претставува сите вредности на спортот, заедништвото, спортското однесување и борбата против расизмот.

Најчитани

Твитови