Дали Ѓорѓи Кочов останува тренер на МЗТ Скопје и во следната сезона?

Раководството на МЗТ Скопје е задоволно од работата на Ѓорѓи Кочов, соработката меѓу двете страни е продолжена.

„Тренерот кој пред еден месец на нашиот тим му ја донесе седмата титула, Ѓорѓи Кочов (34 години) и следната сезона ќе седи на клупата на МЗТ Скопје Аеродром, како дополнителна потврда на заложбите на управата на клубот за давање шанса на младите домашни тренери, кои, пак, во иднина би биле столб и на македонската кошарка во целост.

Станува збор за шестиот стратег кој успеал да го донесе шампионскиот пехар во „Јане Сандански“ (по Тодоров, Пипан, Мартич, Јончевски и Назор) и само четвртиот тренер во Македонија кој може да се пофали со триумф во домашното првенство и како играч и како предводник од клупата. Тој во „сино-белиот“ табор дојде во текот на предминатиот шампионат, а за него ова ќе биде втора сезона која ја почнува како предводник на МЗТ Скопје.

Останување на Кочов воедно е и потврда на заложбата на нашиот клуб за продолжување на стратегијата за форсирање на млади македонски кошаркари, кои и во следниот период ќе добијат шанса за промоција и за напредување. Популарниот Ѓоле веќе работи на формирањето на тимот за следниот период, со кој ќе се обидеме да го продолжиме трендот на остварување добри резултати како на домашна сцена така и во настапите во АБА2-лигата“, стои во соопштението на МЗТ Скопје.

„Бомба“: Дани Алвеш се враќа во Барселона?

Искусниот десен бек Дани Алвеш може да се врати во Барселона, пренесуваат шпанските медиуми.

Шпанското радио „RAC1“ денес лансираше вистинска „бомба“ и тврди дека 23-годишниот Бразилец сам се понудил да се врати на „Камп Ноу“, а раководството на Барселона не ја затворило вратата.

Дани Алвеш денес и официјално потврди дека заминува од Пари Сент Жермен и дека е спремен за нова авантура.

Реал се откажа: Два клуба останаа во трка за Ериксен

Еден од најдобрите фудбалери на Тотнем, Кристијан Ериксен по се излгеда во следната сезона нема да го носи дресот на „петлите“.

Тој во разговор со данските медиуми призна дека сака нов предизвик.

„Чувствувам дека дојде моментот во мојата кариера кога сакам да испробам нешто ново. Максимално го почитувам Тотнем, но како што кажав сакам да пробам нешто ново. Се надевам дека ситуацијата ќе се реши во текот на летото“, изјави Данецот.

На 27- годишниот фудбалер договорот со клубот од Лондон му истекува во летото 2020. година, а за него најзаинтересиран беше Реал Мадрид. Сепак, „кралевите“ според последните информации се повлекле од трката за Ериксен, а во игра останаа два клуба. Станува збор за европските гиганти Манчестер јунајтед и Јувентус.

Најчитани

Твитови