Мудри мисли од Ернест Хемингвеј: За луѓето, животот, среќата...

Американскиот нобеловец и добитник на Пулицеровата награда, Ернест Хемингвеј, е човек кој бил преполн со животно искуство.  Славниот писател и новинар бил еден од највлијателните литерати на своето време, а таа титула ја носи и до ден денес.

Вака говорел Хемингвеј за животот.

„Не постои поверен пријател од книгата.“

„Среќата кај интелигентните луѓе е најретката работа која ја знам.“

„Сакам да спијам. Мојот живот има тенденција да се распадне кога сум буден, знаете?“

„Секогаш направи го трезен она што си го рекол дека ќе го направиш пијан. Тоа ќе те научи да го држиш јазикот зад забите.“

„Најдобриот начин да откриеш дали можеш да веруваш некому е да му веруваш.“

„Сѐ што треба да направиш е да напишеш една вистинска реченица. Напиши ја највистинската реченица која ја знаеш.“

„Јас пијам за другите луѓе да ми бидат интересни.“

„Кога луѓето зборуваат, слушај во целост. Повеќето луѓе никогаш не слушаат.“

„Животот на секој човек ќе заврши исто. Постојат само детали за тоа како живеел и како умрел кои го разликуваат од другите.“

„Мачката има целосна емоционална искреност. Луѓето, од една или друга причина, можат да ги сокријат своите чувства, но мачката не може.“

„Мојата цел е да ставам на хартија сѐ што гледам или доживувам, на најдобар и наједноставен начин.“

„За да можеш да пишуваш за животот, прво мора да го живееш.“

„Никогаш не оди на патување со некој кој не го сакаш.“

„На човекот му требаат околу 2 години за да научи да зборува и околу 50 години за да научи да слуша.“

„Светот ги крши сите, но во крајна линија излегува дека некои се појаки на скршените места.“

„Не постои ништо што може да се спореди со пишувањето. Сѐ што правиш е тоа што седиш на машината за пишување и крвавиш.“

„Сите добри книги имаат една заедничка работа: пореални се дури и од тоа ако навистина се случиле во реалноста.“

„Кога луѓето се сложуваат со мене, секогаш имам чувство дека некаде сум погрешил.“

„Никогаш немој да мислиш дека војната, колку и да ни е потребна, колку и да е оправдана, не е злочин.“

„Младоста ја имаме за да правиме глупости, а староста за да се жалиме на тие глупости.“

„Можат да нè понижуваат, но не можат да нè понижат.“

„За моралот знам само дека морално е она по кое се чувствувате добро, а неморално е она по кое се чувствувате лошо.“

„Човекот не е создаден за пораз. Човекот може да биде уништен, но не и поразен.“

„Единствената работа која може да го расипе денот се луѓето. Луѓето отсекогаш биле ограничени во среќата, освен оној мал број од нив кои се добри како и самата пролет.“

„Храброста е грациозност под притисок.“

Стајлингот привлекува пари: Стајлинг за успех

Погрешно избраната облека за на работа може да ве чини многу повеќе од по некој презирен поглед. Еве како да ги избегнете модните грешки и да ја заработите почитта што ја заслужувате…

Изберете кежуал-облека, која не открива големи површини на телото, ниту пак истакнува одредени делови (гради, задник, нозе).

Немојте… да се облечете во ист стил од глава до петици 

Односно, немојте да претерувате со деталите, бидејќи ако вашата облека личи на костим (театарски, филмски, бапски), никој нема да ве сфати сериозно.

Немојте… премногу да ги истакнувате облините 

Изгледот на секси-секретарка може да се види таму каде што се гледаше и досега – во филмовите. Тесната облека е резервирана за слободното време и за посебни пригоди. Во спротивно, ризикувате да го вознемирите или да го навредите шефот и да предизвикате непријатни коментари.

Немојте… да носите премногу брендирана гардероба и детали

Етикета на блуза, на панталони, на сако, марама од познат дизајнер, очила за сонце, брендирана чанта или обувки… Сето ова може да изгледа провокативно во деловно опкружување, а колегите би можеле да помислат дека сте материјалист и сноб.

Го нарекуваат „Мал мајмун“: Момче, родено со опашка од 15 см (фото)

Локалните медиуми ова момче го нарекуваат Јанг Јанг, а неговото семејство му дало прекар „мал мајмун“.  Иако неговите родители инсистирале тој да не оди на операција, сепак овој месец момчето направило операција.

Овој израсток кај Јанг Јанг се развил уште кога бил ембрион, како резултат на деформација на нервите, пренесуваат кинеските медиумите.

Во првиот месец по раѓањето, ембрионот создава структура која се вика нервна туба, и за многу кратко време на грбот се формира тој израсток. Кај овој дечко се случило некое пореметување, кое не е многу сериозно. Мајката на момчето имала нормална бременост. Лекарите ништо не констатирале кај плодот, за време на бременоста. Кога се породила мајката на Јанг Јанг сите доктори во болницата биле во шок.

Неговата баба мислела дека момчето со тој деформитет ќе заработува многу пари, но Јанг сепак одлучи да направи хирушки зафат и да биде како сите останати луѓе.

Најчитани

Твитови