Гејмери, подгответе се: Пристигнува новиот Call of Duty

После бројните шпекулации и најразлични гласини околу најновата игра од франшизата Call of Duty, синоќа и официјално беше најавен најновиот дел насловен Modern Warfare.

Како што беше познато, новото име на овогодинешната CoD го носи името Modern Warfare и претставува еден вид на “reboot” на можеби и најпопуларната подфраншиза на играта.

Оваа година голем акцент ќе биде ставен на приказната – играта ќе не стави во улога на “Tier One” единицата со која ќе проживееме „сага од која потскокнува срцето“, во една приказна која е „провокативна и сурова“ и фрла светло на модерните начини на војување.

Локациите на кои ќе се одвива дејствието се неколку европски градови и Блискиот исток, но „приказната не завршува тука“.

Засега јасно е дека Call of Duty со најновото продолжение на Modern Warfare, преку кампањата ќе се обиде да им го врати на гејмерите тоа што недостасуваше во изминатите години и поради што луѓето и најмногу ги сакаа видео игрите на CoD.

Компанијата „Apple“ го награди малолетникот што откри безбедносен пропуст во нивниот систем!

Американскиот тинејџер кој откри безбедносен пропуст во апликацијата на „Епл“ наречена „Фејс тајм“ наменета за спроведување видеоповици доби награда.

„Епл“ сепак не откри колкава сума добил 14-годишниот Грант Томпсон, но се верува дека станува збор за позавиден износ кој ќе може да го искористи како инвестиција во неговото образование.

Тинејџерот пронајде пропуст поради кој беше можно да го прислушувате вашиот контакт од другата страна уште пред тој да ја крене слушалката, односно да слушате што тој зборува додека се воспоставува повикот.

Малолетникот ја добил наградата кога експерт за безбедност одбил јавно да го посочи овој проблем токму затоа што претходно не била понудена награда.

Информации за техничкиот пропуст најпрвин со појавија во јануари. „Епл“ му пристапи на ова како на сериозен проблем и ги оневозможи групните разговори во рамките на апликацијата, додека вработените утврдуваа за што всушност станува збор.

Претходно, Томпсон до компанијата испратил неколку електронски пораки со кои го предупредил „Епл“ за пропустот.

Што се пребарувало најмногу на Google во 2018 година?

2018 година е пред крајот, но ќе остане во сеќавањата како многу интересна и турбулентна година за интернет заедницата.

Он-лајн просторот одамна е огледало на човештвото и настаните кои очигледно ја брануваат планетата. Ова ни овозможува кон крајот на секоја година да направиме аматерски психолошки профил на човечкиот род, според она што најмногу го пребарувал во годината која изминува.

Во топ 10 пребарувањата доминираат славните лица кои го изгубија својот живот во 2018 год.

Можеби и ќе претпоставите што најмногу се пребарувало на Google во текот на 2018 година, но еве ја и официјалната потврда:

 1. Светското првенство во фудбал

 2. Авичи

 3. Мек Милер

 4. Стен Ли

 5. Black Panther

 6. Меган Маркл

 7. Ентони Бордејн

 8. XXXTentacion

 9. Стивен Хокинг

10. Кејт Спејд

Најчитани

Твитови