Фестивалот на народни песни и игри „Илинденски денови“ продолжува со вечер на староградска музика и игра.

Во старата битолска чаршија ќе настапат КУД „Пензионер“ од Прилеп, староградската пејачка група „Сирма Војвода“ од Битола, вокално инструменталниот состав „Орнамент“ од Штип, КУД „Васил Хаџиманов“ - Кавадарци, пејачката група „Весела Тајфа“ од Богданци, пејачката група „Распеани штипјани“, КУД „Далги“ од Охрид, октетот „Прилеп“ и ансамблот „Македонија“ од Скопје.

Годинашното 48. издание на фестивалот „Илинденски денови“ завршува утревечер, на 1 август со интернационална фолклорна разгледница на која ќе учествуваат гости од Полска, Јапонија, Грција, Северен Кипар и од Шпанија, а во чест на фестивалските победници, концерт во Хераклеа ќе одржи Виолета Томовска. 

За некого измачување, за Ивана Поповска предизвик и задоволство да се остави збор на хартија. Мотивација црпе од секојдневните, вистински настани. Поезијата веќе и е навика.

Доказ за тоа се неколкуте книги – збирки песни, од кои една посветена на ангелот Проески. Најновиот предизвик на Ивана е пишувањето на својот нов љубовен роман „Љубов на прв поглед“.

За многумина љубовта е само миг кој трае бескрајно, за Поповска инспирација за новото дело. Многумина не веруваат во љубов на прв поглед, но за среќа постои. Во најновиот роман „Љубов на прв поглед“ на Поповска ликовите ќе ја докажат моќта на љубов на прв поглед. Темата на романот разработува вистински настан. Наскоро, ова извонредно дело, ќе биде достапно за вистинските љубители на убавиот пишан збор. Можеби романот на Поповска ќе ве разубеди во размислувањето дека постои љубов на прв поглед.