Зошто зафатените мажи гледаат други жени?

Ако ги прашате нив, ќе ви кажат дека нема место за љубомора. Сепак, ретки се жените на кои им е сеедно кога ќе забележат дека погледот на нивниот маж бега кон други жени. Тоа би можело и да им ја наруши самодовербата.

Не се необични ни прашањата кои би можеле да почнете да си ги поставувате сами на себе… Дали тој размислува за девојката со која се разминавме и подоцна? Дали го привлекува? Дали тоа значи дека јас не сум му доволна?

Доколку се одлучите сепак да го прашате мажот за мислење, тој ќе ви каже дека непотребно паничите. Тоа што понекогаш погледнува во насоката на други жени не значи дека и фантазира за нив. Токму спротивно. Во рок од една минута веројатно веќе нема ни да се сеќава на неа.

Тие размислуваат на сосема друг начин па тоа што се во врска или брак не го гледаат како препрека и понатаму да ја доживуваат убавината покрај себе. Сепак, треба да бидете свесни дека доколку ве избрал вас, само вие сте му важна на крајот од денот.

Знаци кои покажуваат дека би требало да размислите за развод

Ако одлучите да поднесете барање за развод, ќе отворите простор за низа нови проблеми – од составување на договор за старателство до договарање околу тоа кој ќе остане во заедничкиот дом, а кој ќе бара друго место за живеење. Затоа, клучно е да бидете реални и да знаете дека тргнувате по тој пат затоа што едноставно немало излез.

Се надеваме дека овие знаци ќе ви помогнат подобро да размислите дали е време за развод или сепак, сѐ уште има надеж да се свртат работите на подобро.

1. Не се расправате, но слабо комуницирате

Ако порано постојано сте се карале, преминувањето во фаза во која воопшто не комуницирате еден со друг може да се доживее како извесно олеснување, но исто така може да значи дека и двајцата сте се откажале од меѓусебното разбирање. Главниот знак за узбуна е кога вашиот партнер не сака да разговара за вашите проблеми или не ја прифаќа вашата идеја за посета на стручно лице за заедничко работење на вашите недоразбирања.

2. Се чувствувате рамнодушно

Долгото чувство на рамнодушност кон сопружникот е главен знак дека во вашиот брак нешто не е како што треба. Кога ќе престанете да се грижите што другата личност во бракот мисли или чувствува, веќе сте ја изгубиле способноста меѓусебно да се слушате и да се поврзете – нешто што нема лесно да се поправи.

3. Огорчени сте заради вашиот однос

Ако во начинот на којшто го гледате партнерот почнале да надвладуваат негативните мисли, нештата може да водат кон развод. Наместо да чувствувате наклонетост, се чувствувате огорчено и се сожалувате самите себеси заради лошата врска. Тоа автоматски се поврзува со фактот дека повеќе не сакате да разговарате за проблемите бидејќи веројатно сте претерано лути, огорчени или уште полошо – рамнодушни.

Како Берлин се бори против отуѓувањето на децата од природата ?

Научниците одамна апелираат дека за развитокот на детската личност многу е важен редовен контакт со природата.

Слободната игра во природа ја развива моториката, вештината на проценување ризик и инстиктивно разбирање како на светот на природата, така и на општественото однесување.

Меѓутоа децата кои растат во градови имаат многу малку прилики за таква игра. Природата во градовите сведена е на култивирани игралишта, а и оние џебови на преостаната „дивина“ брзо се претвораат во исплатливи парцели за градење кои носат профит на градските буџети.

Додека кај нас се предвидуваат тематски паркови со скапи реквизити во срцето на единствениот Градски парк, Берлин докажува дека против отуѓувањето на децата од природата може да се бориме. Во четврта Спандау, неодамна е отворен првиот од трите планирани паркови на природата за деца. паркови во кои децата можат да го прават се она што некогаш се подразбирало дека децата го прават – да се качуваат на дрвја, кријат во грмушки и скокаат во кал.

Наместо скапи реквизити и специјални подлоги за игралишта, во овој парк децата ги чекаат реквизити кои ги создала природата, што воопшто не значи дека најмладите не се забавуваат добро.

Проектот за реализирање на ваков тип паркови во градските четврти, внимателно го следат научниците, за да може искуствата на Берлин да се применат во други градови ширум Германија.

Најчитани

Твитови