Стартуваше полагањето на државна матура

Со испитот по мајчин јазик и литература, 16. 466 ученици го  започна полагањето на државна матура во средните училишта низ Македонија. Татјана Стојанова – Дуева директорка во средното  училиште „Јосип Броз Тито“ вели дека сите правила и прописи за полагањето на државната матура се запазени, но дека  не се согласува со реакцијата на дел од матурантите кои што велат дека се против  полагање државна матура.

„Јас не би се согласила со фактот дека учениците реагираат на самиот чин на испитот на државна матура, зошто повеќе години се спроведува Учениците имаа подолг временски период да се подготват за овој испит, не гледам причина да постои стрес и ги разбирам, бидејќи се сепакученици и тоа е испит на зрелост. Мора да се охрабрат и да го поминат“ - вели Татјана Стојанова Дуева  - директорката на гимназијата "Јосип Броз Тито"- Скопје.

Средношколците со поделени мислења, за едни  државната матура е модел со кој се оценува  квалитетот и вложениот труд, додека  други сметаат дека матурата треба да се укине затоа што е систем со кои не може да се процени вистинското стекнато знаење.

Концепцијата за матура и за завршен испит во средното образование во земјава е усвоена со решение на поранешниот министер за образование и наука, Азис Положани.

Веќе 8 години како матурантите во Македонија полагаат државна матура. Истата во два наврати претрпе низа промени и надополнувања. Во повеќе случаи низ текот на изминатите неколку години. Учениците протестираа против одлуката на Министерството за образование и наука да се полага државна матура. Вкупно 17 800 матуранти полагаа пробна матура во 2008 година.

Покрај државната матура,  воведено е  и екстерното тестирање, реформа воведена пред 6 години која ја следат низа контроверзии. Од МОФ велат дека по итно треба да се прекине екстерното  тестирање. Над дваесет и пет илјади граѓани ја поддржаа нивната петицијата со која од надлежните институции  бараа  екстерно тестирање да се прогласи за пробно.

„Во екстерното тестирање вистински не е поставено кои се параметрите и која е целта, односно не се мери квалитетот на образованието, наставните програми и какво влијание има врз учесниците.“ - вели Теодора Столевска – Младински образовен форум.

СДСМ поднесе иницијатива до парламентот за укинување на екстерното тестирање по скратена постапка. Но, неизвесно е тоа дали ќе се случи, бидејќи се уште  не е формирана влада. Пратеникот на СДСМ, Стефан Богоев вели дека е неизвесно дали оваа година ќе се укине екстерното и поради тоа апелираше до партиите од мнозинството да се донесат потребните измени.

„Поради суштината на екстерното, голо меморирање на факти, кое учениците понатаму не можат никако да го искористат, сметаме дека веднаш треба да се укине овој концепт. Ние поднесовме брање да се укине ектерното во Собранието по скратена постапка, но за да се успее да се стигне до петти јуни, односно до првиот ден на полагање на тестирањето, мора да добиеме поддршка од сите политички субјекти.“ - вели Стефан Богоев, СДСМ

Неодамна министерот за образование и наука Пиштар Љутфиу ја потврди информацијата дека сепак ќе има екстерно тестирање на крајот од оваа учебна година, бидејќи, како што вели, законите не може да се менуваат преку ноќ а учениците да започнат со подготовки за полагање. 

За да се укине екстерното тестирање треба да се сменат законите за основно и средно образование како и Законот за наставници. Владата треба да донесе нови измени и да му ги предложи на Собранието. Откако Собранието ќе ги усвои измените, новите законски решенија треба да бидат објавени во Службен весник за да стапат во сила. 

„Мирен сон“ од Охрид: Телата на починатите ги чувал во комбе, а наплаќал и превоз и капела

Охридската полиција поднесе кривична пријава против Д.Ш. (51) од Охрид, сопственик и управител на погребалното претпријатие ,,Мирен сон” од Охрид, кое е овластен оператор за вршење погребални услуги, за несовесно работење во служба.

За да има поголема добивка починатите лица за кои вршел погребални услуги, подолг временски период  наместо да ги однесе во капела, ги оставал во комбето кое го паркирал во кругот на неговото претпријатие и другиот ден ги пренесувал и ги погребувал по селата. На семејствата на починатите, пак, им наплаќал и за превоз до градските гробишта, влез во градските гробишта и чување на телото на починатите лица во капела

Пријавениот, согласно Закон за гробишта и погребални услуги, бил должен телата на починатите лица да ги однесе на чување во капела во ЈП ,,Градски гробишта”, да ги подигне од таму и да ги транспортира до гробиштата каде што е закажан погребот.

 

Следува продолжен викенд: Петок неработен ден!

Петок 2 јуни 2017 година, пред Духовден, е неработен ден за граѓаните од православна вероисповед, соопшти денеска Министерството за  труд и социјална политика.

Оттаму додаваат дека неработниот ден е согласно Законот за празниците на Република Македонија. 

Најчитани

Твитови