Што е љубовта, а што сексот?

Љубовта, слично како и прашањето што се случува откако ќе умреме, останува вечна мистерија.

Песни, романи, филмови и поеми посветени на најсилната човечка емоција, и сè уште не можеме да пронајдеме конкретен и точен одговор.

Некои велат дека се виновни феромоните и љубовта не е ништо повеќе од обичен хемиски процес. Други убедуваат дека е навика, трети дека е непостојана и минлива, четврти дека е непотребна и преценета…

Па што е љубов? Има ли некој да го гукне точниот одговор? Кој пријател да го повикаме на помош?

Вистината е дека секој од нас поинаку ја поимува љубовта. За некого тоа се славните пеперутки во стомакот, проследени со силно пулсирање на срцето и недостаток на здив и плунка.

За некого љубовта е постојано, стабилно, сигурно чувство лишено од адреналин и неизвесност. За мене можеби врвен љубовен чин е песна која ти ја посветил саканиот, за друг многу веројатно е дека тоа е смешно или патетично.

Тоа што јас го сметам и доживувам како љубов, не мора да важи за тебе и обратно. За одредени парови љубовта е гледање филмови и сериички и бескрајни дискусии за истите, за некои искачувањето на планина е љубов.

Љубовта е спонтана, но може да се пронајде и на договорен состанок. Љубовта е дом и семејство, но таа може да биде и номадско крстосување низ светот.

Љубовта е гламурозна свадба, но некогаш е и живот со партнерот без озаконување на врската. Љубовта е секс, но и галење и апстиненција. Љубовта е торнадо и мирно пловење.

Некои ја слават љубовта бурно, други пак посмирено. Некои се експресивни и не можат да ги сопрат емоциите, а дел грижливо си ги чуваат, подалеку од сечии очи и уши.

Но, тоа не значи дека некои се сакаат помалку или повеќе. Едноставно – се сакаат различно. Си нашле што им одговара и тоа е веројатно најфината работа на светот.

На крајот од денот не се важни дефинициите и теориите за љубовта. Важно е дека сте ја пронашле онаква каква што вам ви одговара и ве прави среќни.

Немате потреба да се докажувате дали е правилно или погрешно, бидејќи не сме сите од истиот калап. Мојата и твојата перцепција се различни, важно е да сакаме и да бидеме сакани.

Зошто не треба да правите пауза во врската?

Некогаш имате чувство дека единственото решение за моменталната ситуација е да направите пауза во врската, но дали е тоа навистина вистинското решение? Ова се работите за кои треба да размислите пред донесувањето таква одлука.

Паузите во врските беа популарни кога бевме средношколци, а тоа зборува доволно што значат тие.

1. Паузата нема да ги реши проблемите во вашата врска:

Комуникацијата е таа која можеби ќе ги реши проблемите, но паузата од неколку недели сигурно нема, бидејќи голема е веројатноста дека за време на истата нема да комуницирате, барем не онака често како претходно.

2. Таа ќе го направи вистинското раскинување уште полошо:

Секоја чест на исклучоците, но често, паузата дава лажна надеж на паровите дека ќе успеат да ги решат проблемите. Ако имате толку многу проблеми што морате да поминете некое време разделени, многу е веројатно дека истите нема да ги решите туку само ќе мора двапати да поминувате низ болниот процес на разделување.

3. Проблеми со довербата:

Голема е веројатноста дека во даден момент ќе почнете да се преиспитувате каде е тој, со кого е и што прави и зошто воопшто му требала оваа пауза, а сето тоа може да доведе до тоа да почнете да му приговарате за фактот дека тој си заминал од вас, па дури и може да престанете да му верувате, бидејќи ќе мислите дека истовремено си ги испробува шансите со некоја друга.

4. Ако ви е потребно време да сфатите дали ви се допаѓа некој друг:

Веројатно не е така, барем не доволно, па зошто тогаш само да губите драгоцено време?

Најчитани

Твитови