Најдобриот фудбалер на мадридски Реал, Кристијано Роналдо, по завршувањето на Купот на Конфедерации во Русија, на претседателот на клубот Флорентино Перез ќе му соопшти дека сака трансфер во ПСЖ, тврди „Марка“.

Весникот секогаш е добро упатен во она што се случува во и околу Реал Мадрид, објави дека 32-годишниот фудбалер побарал состанок со Перез и покрај тоа што претседателот пред неколку дена објави дека Роналдо е бесен, но се обиде да ги смири навивачите со изјавата дека тој ќе остане во Реал.

ПСЖ за еден од најдобрите во светот се подготвени да издвојат сума помеѓу 100 и 150 милиони евра и да му обезбедат поголема годишна плата од онаа која ја има во Реал.

За Кристијано Роналдо, кој во Шпанија е обвинет за даночно затајување, интерес покажуваат и неколку екипи од Кина, но Португалецот нема намера да се сели на Далечниот исток.

Во духот на спортот, а за подршка и мотивација на младите талентирани стреет баскет кошаркари, и оваа година традиционално по третти пат ќе се одржи турнир во стреет баскет во населба Автокоманда, организиран од невладината организација „Младите За“ и под покровителство на Општина Гази Баба.

Турнирот ќе се одржи на 1. јули со почеток од 10 часот на игралиштето во населба Автокоманда (спроти КАМ МАРКЕТ).

Право на учество имаат сите заинтересирани лица на возраст од 16 до 33 години, а екипите треба да се составени од 4 играчи, односно 3+1. Сите заинтересирани учесници може да се пријават на тел.077 682 445 најдоцна до 29.06.2017 година.

Поддржувачи на овој интересен настан кој го гради и развива спортскиот дух кај младите се: Град Скопје, Општина Гази Баба, РСБСП, HealthAlt, LePetitCafe, Градска Кафеана „Калабалак“, Енерџи Дринк Експлизив, FidGym, Боними и Скопско Овчо Сирење. Скопје Инфо е медиумски поддржувач на настанот.