Дроновите ја украдоа работата на гулабите писмоносци

Една од компаниите на DHL ја започна својата прва испорака со беспилотни летала- дронови, во јужната кинеска метропола Гуангжу.

Авиони со транспортни кутии со тежина до пет килограми со експресна пратка покриваат површина од осум километри помеѓу двете станици.

Проектот за испорака со дронови го водат DHL-Sinotrans и кинескиот производител на дронови EHang, што е прв случај меѓународна поштенска компанија да работи на линија за испорака со дронови во Кина.

“Динамиката на брзорастечкиот кинески пазар го прави идеално место за линијата”, изјавил Џек О’Нил, заменик-директор на DHL Express во Кина.

Дронот собира коверти со клиентски документи два пати на ден, и почесто ако е потребно и ги доставува до сервисниот центар DHL.

Тоа го прави за осум минути, додека на автомобилот потребни му се 40 минути.

Германска компанија го претстави она што го нарече прво самолетечко такси

Германска старт ап компанија го претстави она што го нарече прво самолетечко такси со пет седишта на светот.

„Лилиум“ објави дека прототипот го имал првиот тест-лет во почетокот на овој месец, при што успешно полетал и слетал. Тие велат дека електричното летало е способно да помине до 300 километри за еден час.

Повеќе компании досега имаат тестирано самолетечко такси, но тие биле со најмногу две седишта.

„Преминот од две на пет седишта отсекогаш беше наша амбиција, затоа што така го доближуваме овој тип на превоз до повеќе патници“, изјави коосновачот на „Лилиум“, Даниел Виганд.

Таксито има 36 електрични мотори кои овозможуваат вертикално полетување и слетување. Од компанијата велат дека тоа може да лета еден час со едно полнење и се надеваат дека со масовното производство ќе почнат во средината на следната деценија.

Хакиран WhatsApp: Шпиони влегле во системот и крадат податоци!

Шпионскиот софтвер изработен од страна на „напреден хакер“, успеал да влезе во многу мобилни телефони преку популарната „WhatsApp“ апликација за комуникација и тоа без интервенција на корисниците преку гласовните пораки во апликацијата.

Весникот „Фејненшл тајмс“, ја идентификувала израелската NSO група, како потенцијален хакер во овој случај, пренесува АР.

Шпионскиот софтвер на NSO е повеќепати откриен во хакирање на новинари, адвокати, бранители на човекови права и дисиденти.

Софтверот успеал да влезе во телефоните преку пропуштените повици од опцијата гласовни пораки од апликацијата, изјавил портпаролот на „WhatsApp“ и рекол дека софтверот кој е откриен на почетокот на мај е заразен со непознат број на уреди.

Се наведува дека корисникот немал можност да се одбрани, а според исказите на експертите, единствен начин на заштита во овој случај е „WhatsApp“ апликацијата воопшто да не е инсталирана во телефонот на корисникот.

Најзначајно е тоа што шпионскиот софтвер е заплеткан во убиството на саудискиот новинар, Џемал Кашоги, кој минатата година е убиен во саудискиот конзулат во Истанбул и чие тело никогаш не е пронајдено.

Најчитани

Твитови