Видео туторијал: Направете си совршена пунџа за само една минута!

Casual пунџа е ин веќе неколку години и сеуште котира високо во светот на фризурите. Оваа опуштена фризура е одлична за дневна, но и вечерна варијанта. Во продолжение погледнете како сами да ја направите за само една минута...

Како сами да ги прегледате вашите гради во само 4 чекори?

Истражувањата покажуваат дека најчестиот вид рак кај жените е ракот на дојката. Добрите вести се тоа што стапката на излечени пациенти расте и доколку ракот се открие во почетниот стадиум, успешноста на лекувањето е речиси 100%.

Поради ова, од голема важност е редовно да ги прегледувате вашите гради на лекар, но и самите. Експертите Се препорачува да се прегледувате во последната седмица или последниот ден од циклусот. Погледнете како да го направите прегледот во 4 чекори.

Прв чекор

Набљудувајте ги вашите гради во огледало, со рацете поставени покрај телото или на колковите. Најпрво обрнете внимание на брадавиците и дали се пропорционални. Важно е од преглед до преглед да не се појави промена на нивната позиција. Обрнете внимание и на обликот и кожата на градите. Доколку градите се со вообичаената боја, големина и форма, доколку се пропорционални една на друга, без поголеми разлики во големината и без видливи отоци, тогаш нема простор за грижа.

Втор чекор

Подигнете ја едната рака над главата и обрнете внимание на истите нешта како и во првиот чекор. Направете го истото и со другата рака.

Трет чекор

Третиот чекор е физички преглед со допир. Подигнете ја левата рака и со десната допрете ја левата дојка, а потоа обратно. Правете мали кружни движења додека ја допирате дојката. Проверете ја целата дојка од врвот до дното и од страните, односно од клучните коски до стомакот и од пазувите до деколтето. Најдобро е да следите иста шема за да не прескокнете некој дел. Употребувајте нежен притисок за ткивото под кожата и посилен притисок за ткивото на дојката до градниот кош.

Четврт чекор

Повторете го третиот чекор, но во друга положба. Можете да лежите или да седите и повторно внимателно да ги прегледате градите. Важно е физичкиот преглед да го изведувате во разни положби за да не испуштите нешто. Ова можете да го правите и додека се туширате бидејќи водата ќе го олесни движењето на дланките.

Сепак, важно е да знаете дека овој преглед не може да го замени лекарскиот. Затоа најдобро е да го посетувате и вашиот лекар на секои 6 месеци до една година.

7 нешта што треба да ги научите до 30-тата година за вашата кожа да изгледа неверојатно!

Нормално е во 20-тите негата на кожата да ви биде сведена на отстранување на шминката пред спиење. Нормално е да живеете со полна пареа, да експериментирате, а спиењето од 4 часа да го сметате за бонус. Но додека да се освестите, веќе сте наполниле 30 години. Тогаш, кога ќе се погледнете во огледало ќе се исплашите од вашите подочници и новите брчки и нема да ви биде јасно што се случило. За да го избегнете ова, важно е да ги знаете следниве совети за убавина што ќе ви помогнат да изгледате неверојатно и после 30-тата година од животот.

1. Чистете го лицето два пати дневно

Редовното чистење ќе го намали бројот на мртви клетки на кожата и вашиот тен ќе биде поубав. Чистото лице е совршена основа за производи против стареење.

2. Почнете да користите дневна и ноќна крема за лице

Со цел да ја спречите појавата на знаците на стареење, избегнувајте да користите една крема за секоја прилика. Ноќната крема ќе ја збогати вашата кожа со кислород и ќе ја подобри регенерацијата на кожата во текот на ноќта, а наутро навистина ќе ја забележите разликата.

3. Користете креми со заштитен фактор

Дури и ако сакате да фатите боја, мора да нанесувате заштитна крема на лицето секој ден. Важно е да го заштитите лицето дури и ако поголемиот дел од денот го поминувате во затворено. Ништо нема да го забави стареењето како заштитата од ултравиолетовите зраци. Најдобро е да одберете дневна крема за лице со заштитен фактор поголем од 15.

4. Вложете во апарат за пареа за лице

Овие апарати не се многу скапи, а се одлични за вас. Во водата можете да додадете и некое етерично масло, во зависност од она што сакате да го постигнете. Кога ќе ги отворите порите со пареа, продуктите за нега полесно ќе навлезат во кожата.

5. Избегнувајте го шеќерот

Консумирајте што повеќе зелена храна, а што помалку шеќер и кофеин. Шеќерите го забрзуваат процесот на стареење и предизвикуваат разни проблеми со кожата. Шеќерот во телото се врзува со протеините и клетките на колаген во кожата, а овој процес го забрзува создавањето на слободни радикали и воспаленија. Ова пак, им ја отежнува нормалната активност на клетките, па доаѓа од предвремено стареење на кожата.

6. Правилото АЦЕ

Почнете уште веднаш со земање витамини и применувајте го правилото АЦЕ:

Витамин А: Сладок компир, органски путер, зелен лиснат зеленчук, риба.

Витамин Ц: Пиперки, бобинки, брокули.

Витамин E: Ореви, лешници, бадеми, семиња.

Секој ден јадете по едно нешто од сите три групи и за многу брзо ќе ја забележите разликата на вашето лице.

7. Не се сите козметичарки добри

Најважното од сè е да не му го доверувате вашето лице на кого било. Не се добри сите козметичарки. Лошата нега може да ви создаде проблем кој после ќе ви биде тешко да го отстраните. Пред да отидете каде било, распрашајте се и слушајте препораки само од луѓе на коишто им верувате.

Најчитани

Твитови