Како е да си снаа во Македонија: Ако си слаба, зошто си слаба, а ако си...

Бескрајно духовит, но вистински опис за тоа што значи да бидеш снаа во Македонија, кружи по социјалните мрежи. Тука се пронаоѓаат и снаите и свекрвите. По се изгледа една од “најтешките ” работи во Македоноја е да бидеш снаа, така пишуваат снаите кои се пронајдоа во овој текст.

Вака гласи описот, кој неодамна се појави:

“Еден од најтешки облици на постоење на Земјата е да бидеш снаа. Од една страна свекрвата, од друга золвата, од трета сите роднини. Има снаи кои уште на почеток си ставаат ред и никој не смее да им се меша, а ги има и оние кои на сите им одат по кеф.

Колку и да се трудиш да им се допаднеш, порано или подоцна, ќе ви дојде вода на уста и ќе добиеш желба да се тргнеш далеку од сите. Бидејќи ако си слаба, зошто си слаба, ако си дебела, зошто си дебела, ако не си образована, зошто не си учела, а ако си, тогаш тоа е твоја работа, тие не те терале со зор.

Ако си убава, не е добро, ако си запуштена, пак не е добро. Ако домот ти е среден, значи дека може да биде уште посреден, ако не тие, веднаш да одиш и да се убиеш, не си домаќинка.

Децата обично не ги доиш или храниш како треба, не ги облекуваш доволно и не знаеш да ги воспитуваш. Ако не сакаш да правиш зимница, лоша си, ако сакаш, тогаш не се прави така, не си научила додека си била кај мајка ти.

Ако правиш колачи, можеле да бидат поубави, а ако нарачуваш од слаткарница, треба да се срамиш. Нејзиниот син, и така никој не може да го сака повеќе од неа, па така залудно се натпреваруваш и силиш”…

Вистинска приказна: Скопјанец пие нови експериментални лекови и за неколку дена заработува една просечна плата!

Од колега разбрав дека во Институтот за фармакологија и токсикологија во клиничкиот центар во Скопје, доброволно можеш да се пријавиш како “експериментално глувче“ и добро да заработиш.

Врз триесетгодишниот скопјанец, три години се тестираат разни видови на лекови.

“Вработен сум во една приватан фирма, а во Институтот доаѓам на повик на лекарите. Во клиниката, зависно од лекот кој ми се дава, останувам и по три дена. Во секој случај овие пари ми се добродојден ”, раскажува нашиот соговорник.

Според него, месечно од овој бизнис може да се заработи и една просечна плата, во зависност од лекот.

„Откако ќе го испиете лекот, докторите ви ја следат здравствената состојба, постојано се мери притисокот, телесната температура. Изолирани сте од надворешниот свет, дозволено е дружба со другите луѓе кои исто така се дојдени за тестирање. Обично времето ни поминува играјќи некои друштвени игри. Досега од испитувањата ми се има јавено осип, вртоглавици и повраќање, но тоа е подносливо, објаснува скопјанецот, чиј идентитет согласно Законот нема да го откриеме.

Пред едно лице да биде ставено на оваа листа тој подлежи на ригорозни здравствени контроли. Само исклучиво здрави лица можат да бидат испитаници врз кои се аплицира лекот. За сите генерички лекови се прави студија на биоеквивалентност. Цел свет користи генерички лекови. Ново тестирање на лек врз истиот испитаник, како што објаснуваат докторите, може да се врши само ако поминале два месеци од претходното аплицирање на друг вид лек, велат од Институтот.

Зависно од лекот кој треба да се анализира различна е групата врз која треба да се аплицира истиот. Максимум групата треба да брои 70 испитаници, а долната граница не може да биде помала од 20 луѓе. Тие по давањето на лекот 24 или, пак, 48 часа се под постојан лекарски надзор и престојуваат во Институтот. Постојано се во придружба на медицинско лице дури и кога одат во тоалет. Засега како што тврдат лекарите не се регистрирани фатални нус појави од лекот што се тестира врз луѓето.

ХОРОР: Река од лава, уништи автомобил и изгоре дел од област! (Видео)

Лавата е составена од стопен материјал кој се наоѓа во внатрешната обвивка и од парчињата кора кои се топат во одредени зони на земјата. Се состои од многу гасови како водена пареа (која обично сочинува малку повеќе од половина вкупните гасови), јаглероден диоксид, сулфурен диоксид, сулфурен водород, хлороводородна киселина, водород и јаглерод моноксид. Сите овие гасови се стопени во магмата благодарение на високиот притисок, но кога излегуваат надвор се ослободуваат како меурчиња од газиран пијалак кога се отвора шишето. Ако лавата излегува брзо, гасот се ослободува со поголема сила и ерупцијата е побурна, а ако излегува бавно гасот се ослободува полека.

Ерупцијата на вулканот Килауеа на Хаваите започна минатата недела, и оттогаш токсичен гас и лава им се закануваат на жителите на тој остров. Лавата голта сѐ пред себе, и ништо не може да ја спречи. Ова, се гледа и на снимките раширени на социјалните мрежи на кои вжештената маса голта паркиран автомобил.

Научниците предупредија дека можат да се појават нови пукнатини во земјата, но не можат да предвидат во кои точно области. Центарот за контрола и превенција на болести (ЦДЦ) предупреди дека гасот сулфур диоксид што се ослободува од пукнатините може да биде фатален во големи количини.

Во ерупцијата на вулканот 26 куќи се уништени и околу 1.700 лица се евакуирани.

Најчитани

Твитови