Се венчала во болница за да ја исполни последната желба на татко ѝ кој бил на смртна постела!

Откако минатата година се вериле, Шелби Счвеикхарт и Џерд Конвил од Ивансвил, почнале да ја планираат својата венчавка за 3-ти ноември, 2020-та година, имајќи предвид дека таткото на невестата, кој се лечел од карцином, дотогаш ќе излезе од болница и ќе може да ја предаде невестата пред олтарот.

Но, плановите им се промениле откако на таткото на невестата, Стивен, му било речено дека ракот на тестисите се вратил и се проширил на белите дробови и дека не одговара на хемотерапијата.

Одлучиле веднаш да се венчаат и тоа покрај неговиот кревет во болницата, во американската сојузна држава Индијана.

Шелби вели дека на 29-ти декември го повикала својот свештеник и му кажала за што станува збор. Тој рекол дека може да стигне во болница за 30 минути. Првиот план бил да се венча во блузата со која секојдневно одела во болница, но нејзините пријатели не сакале да слушнат за тоа.

Бидејќи нејзината венчаница требало да биде готова дури во февруари, тие позајмиле венчаница и вел за оваа прилика. Ги облекла и се појавила во собата.

Пријателите на Џејсон за таа пригода му купиле дрес од поранешниот напаѓач Ендру Лук, бидејќи често се шегувале на таа тема.

„Тоа беше најубавиот, горко-сладок момент во мојот живот. Само сакав татко ми да го види своето девојче додека се венча и ова беше единствениот начин“, вели Шелби во објавата над краткото, 5-минутно видео од својата венчавка, кое го објавила на Фејсбук. Објавата набрзо имала повеќе од 300.000 прегледи и споделена е повеќе од 3500 пати.

„Го објавив за да го видат семејството и пријателите, не очекував дека ќе стане вирално“, вели невестата.

Само неколку денови потоа, нејзиниот татко одлучил дека повеќе не сака да се лекува, па е пуштен од болницата и моментално е на домашно лекување.

Прв кинески широкопојасен сателит лансиран во вселената, брзина на пренос 10 GB/s

Првиот кинески широкопојасен сателит со комуникациски капацитет од 10 гигабајти во секунда е испратен во вселената вчера наутро од центарот за лансирање Џиучуен.

Сателитот, кој е изработен од комерцијалната вселенска компанија Galaxy Space, лансиран е со носач ракета KZ-1A.

Во многу оддалечените области како пустини и океани, нема телекомуникациски сигнал, пренесува China Radio International (CRI).

Овој вид на сателит во ниската орбита помага при стабилен и брз сигнал и во пустини и океани, како и во брзи возови и авиони.

Ова е среќа: Стана милионер по втор пат

Еден жител на Масачусетс, сојузната американска држава, два пати ја изпразни касата на државната лотарија.

Ралф Роудс доби милион долари на лотартијата на Масачусетс, со ливче купено на бензинска пумпа.

Тој во мај, лани, освои ист износ на лотарија, а тогаш одбра да подигне 650.000 долари во кеш, веднаш, место да подига чек од 50.000 долари годишно во текот на 20 години. Роудс сѐ уште не одлучил на што ќе ги потроши парите освоени сега.

Ова не е единствен случај на повторно добивање на лотарија. На Флорида еден човек во 2013 година, освои три милиони долари на лотарија откако претходната година извлече ливче кое му донесе 10 милиони долари. Еден Французин пак, освои милион и пол евра во 2016 и 2018 година играјќи ја истата наградна игра.

Статистиката вели дека шансите да се случи вакво нешто се еден спрема 16 илјади милијарди.

Најчитани

Твитови