Јавна тајна беше дека ПСЖ е најсериозен кандидат да го приграби Лионел Меси, кој ја заврши својата дводецениска ера во Барселона, а информациите за конкретни преговори станаа актуелни во текот на денешниот ден.
Вечерва вниманието кон себе го сврте Калифа Бин Хамад Ал Тани, братот на Емирот на Катар, кој пак е сопственик на ПСЖ, објавувајќи интересни твитови поврзани со иднината на Меси.
– Преговорите се официјално завршени. Конкретни информации нешто подоцна, – напиша Ал Тани, за подоцна да објави нов твит со фотографија на Меси и Серхио Рамос.
– Градот на светлината – 8 трофеи во Лигата на шампионите, алудирајќи на успесите на двоецот кој досега настапуваше за најголемите ривали во Шпанија.