EXCLUSIVE MK
Исхрана

Брз ролат со банани и посни бисквити, излегува доста, а многу е вкусен

Првиот рецепт што ќе прочитате е за посен ролат со банани и бисквити, кој многу лесно се приготвува, за само 15 минути е готов, а количински го има доста, што е одличен за секакви свечени пригоди, особено за посни слави. Многу вкусен ролат, лесен и едноставен.

Потребни состојки: 100 г желе бонбони, 450 г посни бисквити, 350 мл вода, 150 г маргарин, 50 г чоколадо, 4 лажици какао, 100 г суво грозје, 2 лажици рум, 3 банани, 2-3 лажици сок од лимон, кокос.

Постапка: во подлабок сад искршете ги бисквитите на крупно (со рака), желе бонбоните исечкајте ги, сувото грозје измијте го во вода и прелијте го со рум малку да набубри.

Во сад на оган ставете вода, посен маргарин и посно чоколадо да се растопат, па додајте го какаото и мешајте со лажица додека да се соединат состојките. Тргнете го садот од оган и додајте го набубреното и исцедено суво грозје, сечканите бонбони и кршените бисквити.

Сето добро промешајте да се соедини. На испружено парче фолија наросете малку кокосово брашно, па истурете ја топлата смеса по целата должина, да биде 40 см. Рамномерно распоредете и израмнете да добиете правоаглеста кора.

По целата должина во средината наредете банани кои претходно сте ги излупиле и полиле со лимонов сок за да не потемнуваат, па внимателно свиткајте во ролат со помош на фолијата и оставете да се стегне во фрижидер.

Потоа можете да го декорирате по ваша желба, со посен шлаг, чоколадна глазура, овошен сируп… Прочитајте го и следниот рецепт за брз ролат со банани, но приготвен со јајца:

РОЛАТ КОЈ БРЗО СЕ ПРИГОТВУВА, А УШТЕ ПОБРЗО СЕ ИЗЕДУВА

Потребни состојки за бисквит: 6 јајца, 6 супени лажици шеќер, 6 супени лажици брашно, на врв од лажичката прашок за печиво. За крем: 2 кесички леден десерт со вкус на ванила и 400 мл ладно млеко. Потребни состојки за фил: 4 банани

Постапка: одвојте белките од жолчките, а во белките ставете три лажици шеќер па пенасто измиксајте ги додека шеќерот да се растопи и да добиете цврст снег кој не паѓа од лажицата.

Во жолчките исто така додајте три лажици шеќер, па измиксајте ги додека да згуснат и да побели смесата. Рерната вклучете ја да се загрева на 200 степени со вентилатор. Постепено додајте ги жолчките во снегот во белки.

Промешајте, па додајте го брашното и прашокот за печиво. Матете на најмала брзина или со лажица додека да се изедначи смесата. Олехот обложете го со хартија, па рамномерно распоредете ја смесата и израмнете со шпатула.

Рерната намалете ја на 180 степени, па печете го бисквитот 10-12 минути. Кога ќе се испечи, оставете го на страна да се олади, па потоа превртете го и внимателно отстранете ја хартијата.

Измиксајте го ледениот десерт со млекото (според упатството од кесичката) додека да добиете крем и оставете го во фрижидер додека бисквитот да се олади. Половина од бисквитот истресете го врз кората и рамномерно премачкајте.

Наредете ги бананите од едната страна, паралелно во два реда. Свиткајте во ролат. Остатокот од кремот премачкајте го врз ролатот и по желба украсете со чоколадни или шарени трошки. Оставете во фрижидер да се олади и стегне. / Љубичица / Сооlinarika.com

МОЖЕБИ ЌЕ САКАТЕ ДА ПРОЧИТАТЕ И ЗА ...

Трик за поховање на месо: Подготвено на овој начин ќе биде помалку масно

Angela

Овошје кое го подобрува варењето, го хидрира телото, ја одржува меморијата

Angela

Важни совети ако сами сушите лековите билки за чај

Angela