Во „Google“ работат на алатка што ќе може да продуцира музика, а се базира на вештачка интелигенција.
Алатката ќе се вика „MusicLM“ и додека обичниот корисник не може да ја употребува за свои потреби, компанијата веќе објави неколку примероци музика продуцирани преку алатката.
Според достапните податоци, алатката ќе може да трансформира и свиркање или мелодија во други инструменти.
Од Гугл велат дека засега алатката и наодите од истражувањето при нејзино креирање ќе бидат достапни само за луѓе кои работат на создавање на други музички системи со помош на вештачка интелигенција. Досега јавно се објавени податоци со околу 5.500 парови музика-текст кои може да бидат корисни за обука и проценка на други музички системи кои ќе работат на полето на вештачката интелигенција.
Photo by James Stamler on Unsplash