Во рамките на засилените акциски контроли во областа на сообраќајот, полицијата во Скопје вчера изрече вкупно 243 мерки, од кои 56 се за возење повеќе од дозволената брзина, 53 за прекршоци што ги чинат возачите на мотоцикли, како и 24 за возење без возачка дозвола.
Исто така, изречени се 14 санкции за возење под дејство на алкохол, шест за користење на мобилен телефон, пет за нерегистрирани возила, а 50 за непрописно паркирање.
Засилените акциски сообраќајни контроли продолжуваат, а од МВР апелираат до граѓаните да ги почитуваат сообраќајните правила и прописи за да се зголеми безбедноста во сообраќајот.