Властите во кинескиот град Вухан, каде што се појави коронавирусот кон крајот на 2019 година, денеска објавија тестирање на сите жители по појавата на неколку случаи на ковид-19.
Три нови случаи на ковид-19 беа потврдени вчера во Вухан, град со 11 милиони жители.
Вкупно седум беа позитивни за коронавирус, но четири немале симптоми. Ова се работници кои дошле во Вухан од други провинции.
– Градот брзо започнува со PCR тестирање на сите негови жители – рече градскиот службеник на денешната прес -конференција.
Последните случаи на коронавирус во Вухан беа пријавени во мај.
Делта сојот на коронавирус се појави минатиот месец во источна Кина.