Во Србија е соборен „Гинисов рекорд“, со дејството на едно место во исто време да се соберат 256 лица со исто име и презиме – Милица Јовановиќ.
Настанот се случил во Белград во организација на компанијата „Color Media Communications“. Организаторите велат дека се одлучиле на овој чекор поттикнати од статистичките податоци дека во земјата најчесто женско име е Милица, а презиме Јовановиќ.
– Соборен е Гинисов рекорд! 256 Милици Јовановиќ се собраа пред 5 минути во „Биг Фешн Белград“. Им благодарам на сите Милици, екипата која го организираше настанот и сите кои не подржаа“, напиша на Инстаграм директорот на компанијата, Роберт Чобан, објавувајќи го и сертификатот добиен од Гинисовата книга на рекорди.
Претходниот Гинисов рекорд бил поставен во Токио, 2022 година, кога на едно место се собрале 178 луѓе со име и презиме – Хироказу Танака. Дополнително, Јапонците им честитале на српските организатори.
View this post on Instagram
View this post on Instagram