Голден стејт поведе со 3-2 во финалната серија против Бостон откако го доби петтиот дуел со 104-94.
Голден стејт е на чекор до шампионската титула, потребна им е само уште една победа, а синоќешниот триумф го изборија без тројките на Кари, тој не постигна ниту една.
Домаќините водеа во најголем дел од мечот, но Бостон успеа да го сврти резултатот во своја полза во третата четвртина, сепак последниот период му припадна на Голден стејт кој на крајот дојде до триумф од десет поени разлика 104-94.
Најдобар кај Голден стејт беше Вигинс со 26 поени и 13 скокови, Томпсон постигна 21 поен, Кари реализираше 16. Во составот на Бостон одличен беше Тејтум со 27 поени и 10 скокови, Смарт постигна 20.
Следниот натпревар се игра во Бостон. Селтикс ќе се борат за мајсторка, а Голден стејт за титулата.
https://www.youtube.com/watch?v=Rrcr1izEENo