Две лица загинаа во шумски пожар во регионот Калабрија во Италија, јавија медиумите. Телата на маж и жена се пронајдени на фарма во Сан Лоренцо.
Пламенот зафатил штала и уште една фарма. Се верува дека двете жртви се обиделе да спречат пожарот да стигне до маслиновa градина.
За спречување на ширењето на огнот во областа се приклучија и авиони. Пожарите продолжуваат да беснеат и на други места во Калабрија, како и во регионите Пулиа и Сицилија.