Најдобриот кошаркар на Филаделфија 76ерс, Жоел Ембид, дава голема жртва за својот тим и во плеј-офот на НБА-лигата игра со незгодна повреда.
Еден од кандидатите за МВП на сезоната во најквалитетната светска кошаркарска лига има истегнати лигаменти на палецот на десната рака, ама и покрај тоа ќе биде со соиграчите до крајот на патот оваа сезона.
Ембид се повреди на третиот натпревар од серијата против Торонто Репторс. Тој ќе мора да оди на операција по крајот на сезоната за да ја санира повредата.