EXCLUSIVE MK
Кошарка

Кошарка во Токио: Европскиот шампион Србија во трилер завршница подобра од Канада

Женската кошаркарска репрезентација на Србија со победа го започна настапот на олимискиот турнир во Токио. Европските шампионки во неизвесен натпревар ја совладаа Канада со 72:68.
Србија беше подобар тим во првото полувреме, благодарение на одличните Соња Васиќ и Тина Крајишник во финишот од втората четвртина избраничките на селекторката Маљковиќ дојдоа до двоцифрена предност 38:28.

По ова следеше пад во играта кој резултираше го голем број загубени топки, а Канаѓанките го искористија за да направат серија од 10:0 и да ја вратат неизвесноста на натпреварот.

Третата четвртина помина во израмнета игра на двете репрезентации, неизвесноста беше присутна и во финишот на натпреварот кога Канаѓанките со тројка намалија на 67:63 на две минути до крајот. Крајишник погоди едно слободно фрлање за плус пет, но на спротивната страна погоди тројка Нира Филдс за минхус два (68:66). Србија возврати преку Јелена Брукс која ги постигна последните четири поени за конечен триумф од 72:68.

Соња Васиќ со 16 поени беше најпрецизна кај Србија, додека во редовите на Канада се истакна Филдс исто така со 16 поени.

Тесна победа оствари и вториот фаворит во групата А, Шпанија која со 73:69 ја совлада Јужна Кореја. Асту Ндур блескаше за Шпанија со 28 постигнати поени и 10 скокови, додека Лаура Гил имаше 16 поени и 14 скокови.

МОЖЕБИ ЌЕ САКАТЕ ДА ПРОЧИТАТЕ И ЗА ...

Кошаркар на Лејкерс дојде во Куманово

Angela

Македонската женска репрезентација од последнит „шешир“ ги чека протвниците за ЕП 2023

Angela

Лејкерс ги нудат Кузма и Калдвел-Поуп буквално на сите тимови во НБА

Angela