Собранието на Кошаркарската федерација на Македонија (КФСМ) на последната седница донесе ново правило за женската кошарка и го зголеми бројот на странци во македонскиот кошаркарски шампионат.
Дамите до лани можеа да регистрираат по три странски имиња, но од оваа сезона можностите ќе им бидат четири имиња кои не доаѓаат од нашата земја. Одлуката на КФСМ е донесена на Собранието кое се одржа на 15 септември.
По оваа одлука, дамите се изедначија со мажите по бројот на странци. Но, можно е да има и нова промена, затоа што дел од клубовите во машкиот мак-баскет побараа од КФСМ да го зголемат бројот на странци од четири на пет имиња.
Последен пат промена во машкиот баскет имаше во 2017 година, кога под водство на претседателот Петар Наумоски се намали бројот на странци на домашната сцена.