Барди се уште не е опоравен од повредата на задниот бутен мускул која ја здоби на натпреварот против Романија. Тој нема да може да му се стави на располагање на селекторот Благоја Милевски за мечевите со Лихтенштајн и Германија.
Милевски нема да повика ново име на местото од Барди.
Македонската репрезентација синоќа во хотел „Хилтон“ во Скопје го имаше првиот собир. Во репрезентативната база пристигаа Адис Јаховиќ, Стефан Ашковски, Висар Муслиу, Тихомир Костадинов, Дени Илиев, Стефан Спировски, Кире Ристевски, Дамјан Шишковски и Никола Ѓорѓев. Сите останати повикани за двата натпревари денеска ќе му се приклучат на тимот.
Првиот тренинг македонската репрезентација ќе го има денеска од 16:00 часот на тренинг центарот „Петар Милошевски“.
Македонија на 8. октомври му гостува на Лихтенштајн, а на 11. октомври ја пречекува Германија.