На граничниот премин „Богородица“ е зголемена фреквенцијата на возила и за излез од државата се чека околу еден час. На останатите гранични премини од македонската страна, пак, нема подолги задржувања за влез и излез, информираше АМСМ.
Кога станува збор за сообраќајот на патиштата надвор од градските средини, според извештајот, интензитетот е умерен.
Од АМСМ велат дека на државните патишта непречено се одвива сообраќајот и препорачуваат да се почитува сообраќајната сигнализација и внимателно да се вози, особено низ котлините, речните долини и клисури каде има можност од појава на одрони.