Во текот на вчерашниот ден сообраќајната полиција им напиша казни на 255 возачи за брзо возење, од кои 84 возачи не ја почитувале дозволената брзина во населено место, додека останатите возеле брзо на отворен пат.
„Од санкционираните, 24 возилa се движеле со брзина над 50 километри на час повеќе од дозволеното, а две возила се движеле со дури над 70 километри на час повеќе од дозволената брзина“, велат од МВР.
Во текот на вчерашниот ден, во периодот од 12 до 16 часот, спроведена е акциска контрола за санкционирање на непрописно престигнување на територијата на целата држава, во рамките на која вкупно биле санкционирани 84 прекршоци, од кои најголем број на територија на СВР Тетово-39, информира МВР.