EXCLUSIVE MK
ЗАБАВА Занимливости

Научници од САД работат на нови нехормонални апчиња за контрацепција за мажи

Научници од САД работат на нови нехормонални пилули за контрацепција за мажи. Таблетата „Ипсилон-ес-ти-529“ веќе се покажа како безбедна при тестирањето на глувци и е 99 отсто делотворна во спречување бременост.

Испитувањата на луѓе се очекува да почнат подоцна оваа година. Истражувачите од Универзитетот на Минесота ја претставија својата анализа на конференција на Американското друштво на хемичари. Апчето не влијае на тестостеронот, што значи дека опасноста од несакани последици е мала.

– Влијанијата на апчињата за контрацепција врз машките хормони доведува до несакани ефекти како што се зголемување на телесната тежина, депресија и зголемена опасност од кардиоваскуларни болести. Поради оваа причина, решивме да ја заобиколиме можноста за делување на хормоните, при развојот на нашата пилула, изјави д-р Абдула ал Номан кој е дел од истражувачкиот тим.

Фармацевтската компанија „Јорчоис терапевтикс“ (YourChoice Therapeutics) во мигов подготвува документација и барање за одобрување на тестирање на луѓе, коишто ќе бидат испратени до Американската агенција за храна и лекови (ФДА). Д-р Гунда Георг ги водеше испитувањата на глувци, а сега, заедно со остатокот од тимот, работи напорно за што побрзо да ги пласира контрацептивните таблети за мажи во продажба. (МИА)

МОЖЕБИ ЌЕ САКАТЕ ДА ПРОЧИТАТЕ И ЗА ...

Како да се однесувате на првиот состанок?

Angela

Oвие три хороскопски знаци најмногу се сакаат сами себе

Angela

Што носи крајот на 2021 година за хороскопските знаци?

Angela