EXCLUSIVE MK
Наука - новости

Неверојатни факти за Сонцето

Сонцето е во центарот на нашиот сончев систем од каде што овозможува доволно топлина и светлина за да може да постои живот на Земјата. Тоа се формирало пред околу 4,6 милијарди години, но сепак е едно од најмладите во нашата галаксија. Научниците веруваат дека сè започнало со огромен облак од гасови и прашина кои формирале топка. Густите гасови кое се наоѓале во центарот, започнале да создаваат масивни количества на енергија преку процесот нуклеарна фузија и на тој начин започнал бурниот живот на младото Сонце.

Во јадрото, огромниот гравитационен притисок предизвикува температурата да достигне повеќе од 15 милиони степени. Плазмата се движи кон површината на Сонцето и зрачи топлина од надворешната обвивка, наречена фотосфера каде што температурата е околу 5.500 степени.

Но, дали знаевте дека…

  • Околу 72% од гасовите во Сонцето ги сочинува водородот. Од останатите гасови поголем дел зазема хелиумот заедно со кислородот, јаглеродот, неонот, магнезиумот, железото и силициумот. Научниците досега успеале да забележат вкупно 67 елементи во составот на Сонцето.
  • Во близина на атмосферата, енергија од јадрото на Сонцето патува накај фотосферата, од каде што се испушта како сончева светлина.
  • Црвеникавиот сјај од наредниот слој (хромосферата) може да се забележи само за време на целосно затемнување на Сонцето. Короната е третиот слој од Сонцето која изгледа како заслепувачка бела светлина од јонизиран гас исфрлен накај вселената.
  • На сончевата светлина ѝ се потребни само 8 минути за да стигне до Земјата, која е оддалечена 149.597.871 километри. Бидејќи орбитата на Земјата околу Сонцето има овална форма, разликата во оддалеченоста од Сонцето варира од 146 милиони до 152 километри во текот на годината.

МОЖЕБИ ЌЕ САКАТЕ ДА ПРОЧИТАТЕ И ЗА ...

Уништување шуми во бразилската амазонска прашума е зголемено за 22 отсто за една година

Angela

Збунувачки и малку познати суеверија за ѕвездите

Angela

Научниците најдоа одговор – еве што се случило со водата на Марс

Angela