EXCLUSIVE MK
ЗДРАВЈЕ Медицина НАСЛОВНА

Незаменливо правило за појадок за најдолговечните луѓе во светот

Појадокот е многу важен оброк – може или да ви го разубави денот или пак, целосно да ви го расипе. Иако знаеме дека тоа е најважниот оброк во денот, многу луѓе не му придаваат премногу значење.

Целосното прескокнување на појадокот е еден од најлошите начини на кој можете да го започнете денот кога станува збор за вашето здравје. Утврдено е дека прескокнувањето на овој утрински оброк го забавува метаболизмот, доведува до зголемување на телесната тежина, негативно влијае на вашиот имунолошки систем, па дури и го зголемува нивото на стрес. Некои од најдолговечните луѓе во светот ја знаат вредноста на здравиот појадок. Всушност, многу од светските „сини зони“, региони ширум светот со најголема концентрација на стогодишници, никогаш не го прескокнуваат појадокот.

Овие региони се Сардинија во Италија, Икарија во Грција, Окинава во Јапонија, Никоја во Костарика и Лома Линда во Калифорнија.

Од основањето на концептот „Сини зони“, истражувачите открија некои заеднички карактеристики во животните навики на нивните жители, вклучувајќи ја нивната исхрана, движење, вредности и духовни практики. А кога станува збор за начинот на кој го служат појадокот, стогодишниците од „Сината зона“ се трудат наутро да внесат што повеќе хранливи материи.

Според истражувачки труд објавен во American Journal of Lifestyle Medicine, една од основните вредности што ја споделуваат стогодишниците од „Сината зона“ е практиката да се јаде најголемиот оброк наутро, а најмалиот оброк попладне и навечер.

Овој концепт е спротивен на она што природно го практикуваат многу просечни западњаци, а тоа е да се јаде мал појадок на кој му недостигаат хранливи материи или воопшто да не се јаде, додека поголемите оброци се чуваат за другите оброци во денот, пренесува Index.hr.

Друга голема разлика што ги издвојува многу од овие стогодишници од остатокот од светот е тоа што тие јадат здрава, целосна храна. Иако многумина наутро посегнуваат по пецива од пекарата, жителите на „Сините зони“ наутро јадат интегрални житарки, зеленчук, овошје, протеини, влакна и антиоксиданси.

МОЖЕБИ ЌЕ САКАТЕ ДА ПРОЧИТАТЕ И ЗА ...

Произведена паметна светилка која сигнализира пад на стари лица

Angela

Врска, не благодарам: Три хороскопски знаци кои уживаат во слободата

Angela

Сочувство и солидарност од Грција до Северна Македонија по пожарот во тетовската болница

Angela