За разлика од минатото првенство има две промени, на местото од Милков и Андонов, во составот се Лука Костиќ и Филип Савовски.
На коректорската позиција ќе биде капитенот Никола Ѓорѓиев, а Ѓорѓи Ѓорѓиев и Филип Деспотовски ќе се менуваат на позицијата техничар. Александар Љафтов, Владо Милев, Стојан Илиев, Лука Костиќ и Васе Михаилов се примачите на црвено-жолтите, Ристо Николов, Филип Маџунков, Филип Савовски и Славе Наковсе нашите средни блокери, а либера Дарко Ангеловски и Филип Николовски.
Македонските одбојкари ќе работат во Скопје до сабота, а потоа ќе патуваат во Тампере. Македонија е во групата Ц заедно со домаќинот Финска, Русија, Холандија, Турција и Шпанија. Европското првенство почнува на 1. септември.