Изненадете ги домашните со овие вкусни посни колачиња со тиква…
Потребни состојки:
– 250 гр маргарин
– 1 лажица мед
– 1 чаша (200 мл) шеќер
– 150 гр сецкани ореви
– 100 гр суво грозје
– 1 пециво
– 600 гр брашно
– 1 чаша пасирана печена тиква
Подготовка:
Најпрво изматете го маргаринот со шеќерот и медот. Додадете ги другите состојки и измесете убаво да се соедини. Од тестото извадете топчиња, малку сплескајте ги и редете ги во плех обложен со хартија за печење.
Печете во загреана рерна на 180 степени, околу 15 минути.
Кога се печени и изладени, по желба може да се посипат со шеќер во прав.