EXCLUSIVE MK
Економија Мобилни телефони

Приходите на „Vodafone“ растат, бидејќи Европа се враќа кон растот

Мобилниот оператор „Vodafone“ објави раст поголем од очекуваниот од 3,3 проценти на приходите од услугите за својот прв квартал, вклучително и еднократно зголемување од околу 1 процентен поен по проблемите поради Ковид-19 во минатата година.

Извршниот директор Ник Рид рече дека компанијата се враќа кон растот на приходите во услугите во Европа, како и во Африка.

„Овој раст се забележува и кај потрошувачите и кај деловните сегменти и многу од нашите пазари придонесуваат за тоа“, рече тој.

Просечната прогноза на аналитичарите беше за раст од 1,4 проценти.

Од „Vodafone“ исто така велат дека го задржале моментумот на најголемиот пазар – Германија. Таму, растот се забрза на 1,4% од 1,2% во четвртиот квартал од претходната фискална година. Нејзиниот бизнис во Велика Британија и Шпанија се врати на раст на квартална основа, благодарение на олеснувањето на мерките за контрола на пандемијата на коронавирусот.

Продолжената ценовна конкуренција во Италија доведе до пад на приходите од услуги за 3,6% во споредба со падот од 7,8% во претходниот квартал.

„Vodafone“ најави дека е на пат да ја исполни својата годишна цел од 15-15,4 милијарди евра прилагодена добивка и прилагодениот слободен проток на готовина од најмалку 5,2 милијарди евра.

МОЖЕБИ ЌЕ САКАТЕ ДА ПРОЧИТАТЕ И ЗА ...

Растат платите ама и трошоците

Angela

Бензините поскапуваат за 2, дизелот за 2,5 денари

Angela

Ова се новите „Pixel 6“ и „Pixel 6 Pro“

Angela