EXCLUSIVE MK
Занимливости НАСЛОВНА

Прогласен најдобриот град за живеење во светот

Виена повторно е прогласена за најдобар град за живеење во светот. Според годишното рангирање на „Економист Интелиџенс Јунит“ („Economist Intelligence Unit“), австриската престолнина по четврти пат во последните пет години е рангирана на првото место, објави австриската јавна радио и телевизија OРФ.

На второто место е данската престолнина Копенхаген, потоа двата австралиски града – Мелбурн и Сиднеј и канадскиот Ванкувер. Цирих, кој минатата година беше на третото место, сега е на шестото место.

Телевизијата забележува дека нема германски град во првите десет. Штутгарт отишол многу напред и се наоѓа на 25. место. Пред него е Париз. Според авторите на студијата, големите демонстрации против пензиската реформа го спуштиле рангирањето на француската престолнина, која минатата година беше 19-та. За споредба, Лондон годинава се најде на 46. место, а Њујорк на 69. место.

Рангирањето на градовите се базира на 30 критериуми како стабилност, здравствен систем, култура и животна средина, образование и инфраструктура. Виена нуди идеална комбинација од петте фактори, се вели во студијата. Единствено недостигаат големи спортски настани.

МОЖЕБИ ЌЕ САКАТЕ ДА ПРОЧИТАТЕ И ЗА ...

Македонија го празнува 11 Октомври

Angela

„Еден ја држи, друг ја удира со тупаници“: Ќерката на Марко и Милица Кон преживува пекол во училиште

Angela

Причини зошто треба секој ден да јадете по една банана

Angela