21„Неделата на франкофонски филм“ во Македонија ќе донесе пет проекции на филмови во Кинотеката на Македонија од 23 до 28 март 2023 година.
Настанот го организираат Амбасадата на Франција и Францускиот институт во Скопје, Амбасадата на Романија и Романскиот културен институт, Амбасадата на Швајцарија, Амбасадата на Белгија во Софија и Валони-Брисел Интернационал, Амбасадата на Луксембург и Кинотеката на Северна Македонија.
Проекциите започнуваат секој ден во 20 часот, со превод на македонски јазик.
– четврток 23.03, романскиот филм „Радио Метроном“, е во режија на Александру Белк, а главните улоги ги толкуваат Мара Бугарин и Себан Лазаровици.
– петок, 24.03, швајцарскиот филм „Последниот танц“ на Делфин Лерисе (2022, 1h24), со Франсоа Берлеан и Касеј Моте Клајн.
– сабота, 25.03, белгискиот филм „Последното искушение на Белгијците“ на Жак Бикоа (2021,1h16), со Алис Дитоа, Вим Вилер и Алекс Визорек ; по проекцијата следи коктел овозможен од Амбасадата на Белгија во Софија и Валони-Брисел инрернационал.
– понеделник, 27.03, францускиот документарен филм „Деца на татковината“ на Тјери Демезјер и Албан Терле (2022, 1h50), со Елса ле Петрек, Тјери Демезјер.
– вторник, 28.03, со луксембуршкиот анимиран филм „Неверојатната приказна на Фрици“ на Раиф Кукула и Матијас Брин се затвора неделата на франкофонски филм.
Photo by Mason Kimbarovsky on Unsplash