Не постои идеална љубов како оние од ефтините серии и романтичните комедии. Сите стереотипи што се наметнуваат таму се далеку од реалниот живот. Никој не е совршен, затоа треба да ги прифатите и да ги сакате недостатоците на другиот. Заборавете на нереалните очекувања и прифатете ја реалноста.
Врската треба да биде страсна
Секако, љубовната врска ќе биде страсна на почетокот, што ќе придонесе за чувство на блискост и споделување интимност. Би било идеално тој почетен пламен на страст да продолжи, но без претенциозни очекувања, во форма на постојани искри и кинење облека.
Парот треба да ги дели истите интереси
Се разбира, треба да сакате слични работи и да имате заедничко хоби, но секој е сепак личност за себе, така што е во ред да имате свои лични интереси. Ако им се придружи другиот партнер и ги прифати, ќе биде убаво, а ако не, навистина нема да биде крај на светот.
Среќните парови никогаш не се караат
Ако се расправате, тоа значи дека се сакате, затоа што ако нема дискусии и несогласувања, тоа значи дека практично не сте премногу заинтересирани еден за друг. Но, ако се грижите за другата личност, природно е дека некогаш и ќе се искарате. Се разбира, тоа не значи дека треба да викате или да фрлате чинии во сите правци, туку да разберете дека повремените дискусии се доста добри за квалитетот на врската.
Секој мора да го сака семејството и пријателите на овој другиот
Запомнете дека сте во врска со личност поради взаемна љубов, разбирање и наклонетост. Само затоа што сте среќни заедно не значи дека треба да бидете среќни со сите членови на неговото семејство и со секој пријател. Доволна ќе биде меѓусебната почит, и повремен пријатен разговор.