Хејли Бибер, модел и сопруга на пејачот Џастин Бибер, често зборува за бракот со познатиот музичар, а неизбежни се и прашањата за проширување на семејството.
Хејли секогаш одговараше искрено, а сега беше поискрена од кога било кога станува збор за нивните најинтимни работи, како што е темата за децата.
Таа рече дека се плаши од фактот што детето ќе биде мета на негативни коментари поради неговите славни родители.
-Буквално плачам за оваа тема цело време. Многу сакам деца, но се плашам. Доволно е луѓето да кажуваат работи за мојот сопруг или за моите пријатели. Не можам да замислам да имам работа со луѓе кои кажуваат лоши работи за мое дете, искрено изјави Хејли во новото интервју за The Sunday Times.
Хејли и Џастин се венчаа многу млади, таа имаше 21, а тој 23 години. Џастин неколку пати нагласи дека целосно ја разбира Хејли бидејќи сè уште не сака деца.
-Би сакал да имам мое мало племе. Но, да, тоа е нејзино тело и нејзина одлука. Но, мислам дека Хејли сè уште има некои работи што сака да ги постигне пред децата и мислам дека таа е … таа сè уште не е подготвена. И тоа е во ред, изјави пејачот во шоуто со Елен Деџенерис.