EXCLUSIVE MK
НАСЛОВНА Свет

Се шири листата на острови во Грција на кои им се закануваат мерки против Ковид

Заменик-министерот за цивилна заштита Никос Хардалијас истакна дека популарните дестинации, како што се Иос и Миконос, се на работ да бидат ставени под нова рунда ограничувања.

Говорејќи за телевизијата АНТ1  Хардалиас подвлече дека ситуацијата на двата острови е на граница. Миконос беше особено загрижувачки бидејќи се откриени и варијантите на „Ковид“  на островот. Тој додаде дека во 46% од случаите на Ковид-19, заразените биле вработени во ресторани, клубови и хотели.Хардалијас рече дека ниту еден остров не може да дејствува „неказнето“.

„Не сакаме да демонизираме ниту еден остров, ниту да нишаниме на некој, но не е можно на нив да не се држи дистанца и да не се носат маски“, истакна Хардалијас.

Било какви нови ограничувања би биле слични на оние што беа наметнати на Миконос пред две недели, што вклучуваше полициски час и деноноќна забрана за музика во барови, кафулиња и ресторани.

„Ситуацијата бара претпазливост, вирусот е меѓу нас “, рече тој за време на секојдневниот брифинг.Хардалиас додаде дека островите Закинтос, Тинос, Лефкада, Санторини, Парос и Родос, исто така, се ставени под зголемен надзор бидејќи доживеале постојано зголемување на случаите во последните 10 дена.Тој ги повика локалните власти и посетителите да ги почитуваат мерките за лична заштита и безбедносните протоколи, особено во области со висока стапка на пренос.

Како одговор на неодамнешното опуштање во спроведувањето на мерките, владиниот претставник изрази разочарување затоа што одредени луѓе кои не ги почитуваат безбедносните мерки „си играат со своите животи“.

„И лошото е што некои луѓе си играат со животот на другите. И не знам дали ова е морално толерантно “, рече тој.

Во меѓувреме, здравствените власти рекоа дека очекуваат умерено, но јасно зголемување на нови случаи, како и интубации на пациенти со „Ковид-19“ следната недела.

Во четвртокот, беа потврдени 2.696 нови случаи на национално ниво, но со рекордни 102.000 тестови и девет смртни случаи поврзани со Ковид. Бројот на интубирани пациенти беше 157, додека бројот на нови приеми во болница е 173.

МОЖЕБИ ЌЕ САКАТЕ ДА ПРОЧИТАТЕ И ЗА ...

Над 94 илјади граѓани попишани на првиот ден од пописот

Angela

Одмор за раскажување: Тргнал како патник, а завршил како капетан на авион за Шпанија

Angela

Руне покажа дека е голем талент, но Ѓоковиќ е најголемиот во светскиот тенис

Angela